Category Archives: BCM News

Home Post

Missionary Posting & Transfer

Tunlai hian Mizoram chhunga kan missionary eng emaw zat chu an insawnkual hlawm a. Hetiang hi kan awm mekna leh an awmna thar tur a ni ang. A tam zawk chu January thla khan an thawhna hmun tharah an bung tan tawh tura beisei a ni.

 

Missionary Awmna hmasa Awmna thar
V. Lalnunmawia Damparengpui Marpara
Robironjon Pangtlang BBS, Chawngte
Doyal Kumar BBS, Chawngte BMS, Tuichawng
Lalhualhimi Nghalimlui Longpuighat
Lalramliana Nghalimlui Longpuinghat
Hmangaihsanga Longpuighat Nghalimlui
Lalchhandami Longpuighat Nghalimlui
PC.Vanthangpuia Putlungasih BMS, Tuichawng
C. Chawngkunga Putlungasih Zawlpui
H. Lalhuliana Marpara Damparengpui
Zohmingthanga BMS, Tuichawng Zawlpui
R. Laltlanmawii BMS, Tuichawng Zawlpui
Lalchhanhimi Chhangte Zohmun Bolisora
Ruidomohan Zawlpui Belthei
Kumthara Zawlpui Putluangasih
F. Lalhumliana Belthei Zohmun
Jamadon Marpara Udalthanasora
C.K. Thanga Udalthanasora Pangtlang
Lalmuankima Damlui Bolisora

TKP Diamond Jubilee Closing

Zanin, February 8, 2012 (Nilai zan) hian Thalai Kristian Pawl kum 60 tlin lawmna, Closing Programme chu hman a ni dawn ta. He Programme hi Mizoram Baptist kohhran Biak In, Lunglawn-ah buatsaih a ni a, Mizoram TKP-in hma la-in he Progamme-ah hian TKP member a duh apiang tel turin an sawm a ni. Programme hetiang hi a ni ang:-

 

TKP DIAMOND JUBILEE CLOSING PROGRAMME

8th February, 2012 (Nilaini) 6:30 Pm,   BCM Biak In, Lunglawn

Thupui :  “Min Hruaitu Lalpa”

 

Hruaitu             : Tv Pc Vanlalrova, Vice President, MTKP

Report                : Rev Samuel Lalremsanga, Organiser, MTKP

 

Thuchah          : Rev Dr K.Thanzauva, President, BCM

 

Worship Dance  : Junior TKP Zohnuai

Solo                            : 1) R.Lalramchhana, Edenthar,  2)  CR Laldingliani, Serkawn

 

Zaipawl             :

1. BCM Choir,

2. Bazar Bial,

3. Chanmari Bial,

4.Lunglawn Bial,

5.Chanmari vengthlang,

6.Lunglawn,

7. Ramzotlang,

8. Theiriat,

9. Moria, Rahsiveng.

 

Malsawmna       : Rev C.Vanlawma, Lunglawn

 

Zai hruaitu          : Lunglawn Bial Zaipawl

 

Refreshment      : TKP Lunglawn Unit

 

MTKP Rorel 2012

 

 

Mizoram Thalai Kristian Pawl (MTKP) Rorel vawi 58-na chu tunkar Ningani, February 9, 2012 hian Mizoram Baptist Kohhran Biak In, Lunglawn-ah neih a ni dawn ta. Kumin hi Rampum huap anga Inkhawmpui awm loh kum a nih avangin Rorel palai tura ruat  unit aiawh pakhat theuh leh Bial aiawh pahnih theuh bakah MTKP Executive Committee members leh MTKP OB te chu Rorelna-ah hian an tel ang.

Basic Statistics: Tun dinhmunah hian TKP te hi Pastor Bial 72 ah Unit 373 neiin, member zawng zawng hi 36757 an ni a, kum hmasa aiin member 1559 in an pung a ni. Member tamna bial te chu – (1) Bazar- 1370, (2) Serkawn- 1322, (3) Hnahthial ‘S’- 1311, (4) Electric- 12280, (5) Chanmari- 1241 te an ni. Member tlemna bial te chu (1) Parva – 72, (2) Damdep – 96, (3) Vaisam – 99, (4) Khawruhlian – 107, (5) Sakawrdai – 116 te an ni. Member mipa aia hmeichhia an tam zawkna bial pahnih kan nei a chungte chu ZPMBK (Shillong) leh Khawruhlian bialte an ni. Report kum chhungin. Kum 2011 -2012 Report hun chhungin member 373 in Danpuitlingin nupui/pasal an nei a, member 347 Kohhran Dante-in an in nei .

 

Agenda lut zinga ngaihven hlawh zual deuh te:-

1)      BYFI National Baptist Youth Festival thlen thu.

2)      MTKP hian Social Transformation lam thupuiah neih nise.

3)      TKP te hian HIV/AIDS chungchanga inzirtirna ram pum huapa neih nise.

4)      Thiamna sang, mi hman tlak kan tam theih nan MTKP in hmalak nise

5)      Nulat tlangvalna kawnga thianghlimna inzirtir uar nise

6)      MTKP hian Mizorama Corruption hluar zel dona turin ruahmanna siamin inzirtirna neih ni rawh se.

7)      Dan puitlinga nupui/pasal neih inzirtirna hi neih chhunzawm leh nise

8)      BCM-in Kolosib-ah Christian Counselling Centre din rawh se

9)      The Leprosy Mission (TLM) rawngbawlnaah hian MTKP hmingin hmalak ve nise.

10)  TKP Day atana kan hman mek 30th July hi a dik tawk leh tawk loh ennawn leh nise.

11)  Environment humhalh kawngah hmalak chhunzawm nise.

12)  BCM-in Kolosib-ah Bookroom din rawh se.

 

MTKP Executive Committee atangin agenda 3 leh Bial agenda 31 zet a awm a, chung zingah chuan Inkaihhruaina siam that rawtna pathum a awm bawk.

……………………..

 

MBKHP Inkhawmpui tiak ta

Mizoram Baptist Kohhran Hmeichhe Pawl (MBKHP) Inkhawmpui chu February 5, 2012 Pathianni zan khan kham lo takin an tiak ta. Kan hriat theih chinah Palai riak lut 2500 vel an awm a, Lunglei Town huam chhung atangin riak lut an tam lo va, langin a tam zawkin Inkhawmpui hi an chhim a ni. Pathianni zing leh zan lamah te Pandal mi 4000 chuang zet len theihna tura ruahman-ah an len loh avangin pandal bang sah hawn a ni.

 

Inkhawmpui proramme a hlung hle a, Speaker thuchah a nungin palaiten hlawkpui an inti hle, Zai a nuamin pandal chhung chu lamtual a ni deuh vek a, lam an thahnem thei hle bawk. Inkhawmpui ti hlungtu zingah Missionary engemawzat an rawn tel thei te, Arunachal Field lama a rammi hmeichhe Pawl hruaitu lo kal te leh Ramchhung Mission-Chakma ringthar te leh missionary engemawzat an rawn tel bawk.

MBKHP Rorel-report hetiang hi a ni:-

Rorel palai – Unit aiawh 141, Bial aiawh 382 = Total 527

Thurel tlangpui:-

  • Pastor Nupui-te Seminar neihpui ni se ti a, MBKHP Executive Committee atanga rawtna chu FOD Committee-ah thlen chhoh remtih a ni.Kum 2013 hi KHP Platinum Jubilee (Kum 75-na) a ni a, hei hi MBKHP hian lawm ni se la, Jubilee Celebration Committee te dinin hma lak chhoh nghal ni se, hemi atan hian unit tinin theih ang ang a sum tuak ni se.Kumkhatah MBKHP ang chuan vawi 3 aia tam fehchhuah hi neih loh nise.
  •  Ram tan, Missionary te tan leh  Ruihhlo ngaite leh a zuartute tan  Unit tinin Chawnghei tawngtai neih ni se Hemi-a ei ai kengkhawmin Missionary tanpui ngaite tanpui nan hman ni se.
  •  Leprosy Mission, Kristian Hospital Lawngtlai leh BCO Pualin fehchhuah neih ni se.
  •  BKHP Inkhawm zan apiangin Mizoramah Thlarau Thianghlim harhna a lo thlen theih nan tawngtai thin ni se.
  •  Buhfaitham kalphung inang tlangin chawlhkar tin khawn thin ni se, Buhfaitham bel pawh in tinah hung tura tan lak ni se.BCM Missionaryte khualbuk Aizawlah dah turin FOD-ah thlen ni se.
  • Kum 2012 hian MBKHP hian zuk leh hmuam thatloh zia inzirtirna beihpui thlak ni se.
  •  Kum 2013 a Serampore Convocation AICS a lo awm tur atan hian hian Unt tin ten theih ang anga tanpui ve nise.
  • Zemabawk a Cancer vei damdawi in bula khualbuk tanpui ve ni se

 

2012-2015 MBKHP hruaitu thlanna

I)President                    -Pi LH.Sangziki Venglai(FOD ruat)

2)Vice President            – Pi Zanguri, Venghlun

3)Organiser                   -Pi B.Singpari(Pastoral ruat)

4)Asst.Secretary           – Dr. Chawngthanpari, Serkawn

5)Treasurer                   – Pi H. Lalkimi, Sethlun

6)Fin.Secretary             – Pi Zosangi, Chanmari

7)Sr.Adviser                 -Upa C.Hmingliana Bazar(FOD ruat)

 

6.BUDGET:MBKHP Budget atan FOD –in Budget Celling 7,00,000/- a siamsaka, heta tang hian a hmanna tur tlangpui hetiang hian ruahman a ni.

 

  1. Mission                        –  1,35,000/-
  2. Chhawmdawlna In –  1,30,000/-
  3. FOD                            –     60,000/-
  4. Loisi                             –     60,000/-
  5. MBKHP Rorel             –     40,000/-
  6. ABWU Palaina             –     50,000/-
  7. NEICC-WA palaina     –     60,000/-
  8. General Fund                –  1,65,000/-

            Total                           –  7,00,000/-

 

B.C.M. Choir Music Video tlangzarh

 

 

 

 

Vawiin, February 2, 2012 chawhnu dar 3:00 khan BCM Choir Music Video thar “Ka nun Hnarkaitu” chu a duh apiangte en leh ngaihthlak theih turin tlangzarh a ni.

 

Tlangazarh inkhawm hi sawm bikte nen Sap Upa leh Pu Buanga Hall, BCM Office, Serkawn-ah neih a ni a. Pu F. Lalromawia, Director, BCM Choir-in tlangzarh inkhawm kaihruaiin Pu K. Hamlet, former Conductor-in music video prevew hun a hmang a. Rev. R. Lalbiakliana, Director BCM Worship & Music Department-in a tlangzar a ni. He inkhawm-ah hian BCM Choir ten Pathian fakna hla an sa, BCM hruaitu pawimawh tak tak te – General Secretary, President Elect, leh AGS pahnih ten an telpui a ni.

 

He Music Video-a an hla “Ka nun hnarkaitu” tih hi C.Luri phuah a ni a, Video hi Leitlang Picture siam niin Classic Recording studio ah record a ni thung.

 

MBKHP Inkhawmpui tan dawn ta

Mizoram Baptist Kohhran Hmeichhe Pawl (MBKHP) Inkhawmpui vawi 48-na chu Naktuk, February ni 2 zan atangin tana  ni dawn ta. Inkhawmpui thupui atan “Sim rawh u, vanram chu a hnai tawh e” tih a ni ang. Speaker atan  Rev.C Lalhungliana, Pangzawl Bialtu Pastor an hmang dawn a ni.

 

MBKHP Organiser report atanga a landanin tunah hian Mizoram pumah BKHP member 26397 an awm a. Pastor bial 72-ah Unit 403 an nei. Kum kal mek chhunga an budget pumpui Rs. 700,000t- ani a, an sum hmuh zawng zawng chu Rs. 36,77,343t- a ni thung. Kum 2012-2013 atana an budget ruahman chu Rs. 700,000 ni.

 

Tun tuma an inkhawmpui rorelnaa an thurel tur chhawpchhuah zingah Pastor Nupuite puala Seminar neih rawtna te, BKHP Platinum Jubilee lawm te, nikum lama an tih ang bawka Kristian chhungkaw Beihpui neih leh bakah, Chawngheia tawngtai rawtna eng emaw zat leh tlaivara tawngtai rawtna te a awm nual. Agenda hi MBKHP executive atanga chhawpchhuah 6 bakah Bial hrang hrang atanga lut 45 a awm bawk.

 

He inkhawmpuiah hian Mission Field tin atangin Missionary-te lo field aiawh in palai turin an beisei a. He chanchin ziak lai hian an lo kal dan hriat chian a la ni lo. Inkhawm apiangin zaipawl eng emaw zat an awm ziah a, BCM choir leh Area zaipawl-te bakah Bial Zaipawl 10, Bial BKHP zaipawl16 leh a dawltu bial atangin zaipawl 4; an vaiin Zaipawl 33 in Inkhawmpui chhung hian zaia rawngbawlna nei tura beisei a ni.

MBKHP 2012 IINKHAMPUI PROGRAMME

For more information follow this link:-

MBKHP Inkhawmpui 2012

Evangelist Conference tiak ta

BCM pawmpui Pathian Thuhriltu Pawl (Evangelist team) te chuan January 26-29, 2012 chhung khan Serkawn Biak inah Conference an nei a; nizan khan a tiak ta.  He Conference-ah hian Evangelist Team 43 atangin Team member leh Speaker 206 an rawn tel a, Ningani zan atanga Pathianni zan thleng Progamme tha takin an hmang a ni. Sawi tawh ang khan BCM hian Recognised Evangelist team 43 an nei a; tun tumah hian team khat atangin khat atangin speaker tiamin mi 5 zel kal tura beisei an ni a. Damlohna avang leh kawnglaka harsatna tawk rawn thleng zo ta lo te tih loh chu kal tura beisei te an lo kal kim thawkhat hle. He Confenrence hi an hlutin hlawkthlak an ti hle tih report kan dawng bawk.

 

MBKHP Inkhawmpuina tur Pandal hlan:

MBKHP Inkhawmpuina tur Zobawk muala Pandal sak chu nimin January 29 (Pathianni) chawhnu khan Pathian hnena hlanna neih a ni. (Karhmasa  Pathianni a hlan tur anga kan rawn tarlan kha hriatsual palh a ni e). He Pandal hi a dung ft.174, a vang 110ft; a chhungah mi 4,000 thutna siam a ni a; a sir tin hi a tul dana hawn belh theiha ruahman vek a ni. Pandal hlan zawh hian BKHP Inkhawmpui pualin chawnghei tawngtai neih chhunzawm a ni bawk.

 

MBKHP Inkhawmpui hi tunkar – Februay 2 – 5, 2012 hian Zobawk Field-ah neih a ni dawn a, Thupui atan “Sim rawh u, vanram chu a hnai tawh e”   tih hman a ni ang. Inkhawmpuina hmun tur Zobawkah hian Kohhran pawl dang bakah Baptist Kohhran panga an awm a; inkhawmpui hi Kohhran lian ber Ebenezer Biak in behchhanin Mualah Pandal sak a ni.  Pandal hi nikum November thla tawp lam atang khan an sa tan a. Baptist Kohhran chauh pawh ni lo, Kohhran pawl dang leh NGO te pawh Pandal sa hian an hnatlang vek a ni. (Remchang hmasa-ah Inkhawmpui chanchin kan rawn tarlang dawn nia)

 

MTKP hruaitute Zawlnuam Bialah
January 27-19 khan Zawlnuam Pastor bial TKP Inkhawmpui, Bawrai Biak inah neih a ni a, he inkhawmpui-ah MTKP Organiser, Rev. Samuel Lalremsanga chu speaker a ni a. MTKP hruaitu thenkhat leh Hnahthial North bial Zaipawlten an tawiawm.

 

Tlabungah Staff Notation Training Camp
Tlabung Pastor bial leh BCM Worship & Music Department tangkawp chuan January 23-28, 2012 chhung khan Tlabungah Staff Notation Training Camp an buatsaih a. January 23 (Thawhtan) zanah a hawnna inkhawm an nei a, nimin khan an tiak ta.

Sunday School Seminar hmun 2-ah nei

Christian Education Department chuan tun Weekend (January 28-29) khan Hrangchalkawn bialah leh Hnahthial North bialah te Sunday School Seminar an neihpui a. Hrangchalkawn bialah hian, Rev.B. Lalramhluna, Christian Education Director leh Rev. R. Lalchamliana,  Communications Director te an kal a; Hnahthial North bialah hian Sunday School Intructress, Pi PS. Lalhmingthangi a kal bawk.