Category Archives: BCM News

Home Post

Christian Hospital-ah Vision Center hawng

Tunkar Nilaini khan Christian Hospital Vision Center chu Parliamentary Secretary  Pu S.Laldingliana’n a hawng. A hawnna Inkhawm hi Dr. LH Lalrammawia. Sr Medical Officer in a kaihruai a, Dr. KL Remsanga, Head of Department, Eye, Civil Hospital Aizawlin Vision Center Christian Hospitala dah a nih dan leh tha taka Function a nih avanga Computer, Mit enna khawl pawh pek an nih thu sawiin he Vision Center hi Mizoram sawrkar mai ni lo, Central sawrkar hmalakna kal zel a nih thu a sawi bawk.

 

Hemi zawh hian khuallian, Pu S.Laldingliana, Parliamentary Secretary pawhin thu sawi-in hriselna hi India sawrkarin a ngaih pawimawhber te zing a mi anih avangin thingtlang kilkhawr  ber thlenga mipuite hriselna turin sum leh pai nasa takin a seng reng ani  a ti. Rev.C. Ngurhnema’n tawngtainain a hlan a. Aizawl atanga mi thiam 5 lokalin mi 33 a thlawnin an mit zai sak  niin mi sawmkua pakhat laiin an mit an entir bawk . He Surgery Camp hi Dr KL Remsanga Head of Department Eye, Civil Hospital hova neih ani

Mission News Updates

AP East Thu thar
AP East field Director, Rev. R. Lalthangliana’n kan palai a hrilh danin tunlai hian tlawhtu an ngah hle. Aizawl Shalom Kohhran an haw chiah a, Shillong Madanrting Kohhran in Along Biak in thutphah siamin Work Camp an nei mek a. November 20 vel atangin Kohhran hruaitu hovin an tlawh dawn a; chu mi zawhah Tawipui South Kohhran te an thleng thla veleh nghal ang. AP East field-ah hian kumin chhungin Kohhran 4 din tawhin ringthar 465 an nei tawh.

 

Work Camp lam ve thung
Hnahthial Bazar Kohhran ten Udalthanasora-ah Biak in an sa zo chiah a; Sethlun TKP member 20 velin Vathuampuiah Work Camp an tan dawn bawk a; Chanmari bial TKP in Putlungasihah Work Camp neiin member 30 chuang an kal a, Chamdur Project Kohhran pawhin Bolisora-ah Work Camp an nei bawk.

 

Rampawn lamah pawh Serkawn Kohhran chuan Zero (AP West) tlawhin vawiin hian an lo thlen beisei a ni, Anni hian Medical Free Clicnic leh Thalai leh naupang pualin Worship Dance zirtir te, Music & Sound Control dan te an zirtir bakah School rawng hnawih te, Electric Wiring te an zu thawk a ni. Sethlun Kohhran pawh Tripura field-a workcamp turin an chhuak ve leh ta bawk.

 

Baptisma chang thar 11
Tunhnaiah hengah te hian baptisma chang thar kan nei leh ta: Bolisora-ah 7, Rualalung-ah 3, Sugarbasora-ah 1; an vaiin 11.

 

Camping nei
Pu Vanlallawma Hnamte, Bazar Kikawn te chhungkua bul tumin Tuichawng Evangelist team-te chuan Sugarbasora-ah Camping an nei.

 

Mission Convention
Vawiin Pathianni hmang hian Moria Kohhran Rahsiveng, Lli. chuan Mission Cpnvention an nei mek a; speaker atan missionary, Pu C. Pachhunga (AP East) field a ni.

FOD Hriattirna

1. BCM Constitution & Rules leh FOD Inkaihhruaina a thu inkalh a awm chuan Constitution anga kalpui zawk tur a ni.

2. FOD Inkaihhruaina phek 68-12 (3) (a) Unit BMP Executive Committee zat sawm (10) tih kha sawm panga (15) tih zawk tur a ni e. Tin, phek 69 (f)-naa ‘Kohhran hnuaia FOD ….’ tih kha ‘Kohhran hnuaia Fellowship…’ -te tih zawk tur. Phek 69 (i) ‘Unit BMP ..’ tih kha ‘Bial BMP ..’ tih zawk tur a ni.

Sd/-

Rev.R. Lalbiakliana

Director,

Fellowship Organisation Department

Baptist Church of Mizoram

Worship Dance & Action Song Intihsiak

WORSHIP DANCE & ACTION SONG
BCM Worship & Music Deptt. chuan December 17, 2011 hian Lungleiah Junior TKP/Tleirawl Pawlte pualin Worship Dance leh Action song (member 10 aia tlem lo)-a intihsiakna a buatsaih dawn a; lawmman tha tawk tak (pawisa fai) pek tum a ni. Tel duhte chuan a hnuaia hming ziak hnenah hian ziakin emaw telehpone hmangin emaw inhriattir tur a ni e. Thil tul dang chu kan la inhriattir leh zel dawn nia.

Sd/-Rev. R. Lalbiakliana
Director,
Worship & Music Deptt.
Mobile – 9436157483

Worship Seminar nei dawn

BCM Worship & Music Department chuan naktuk Inrinni, Nov.19, 2011 khian Lawngtlai khawpui chhung pastor bial 4 leh Thingfal leh Paithar bialte huapin Lawngtlai Bazar Biak inah Worship Seminar an nei dawn.

Seminar hi Rev.R. Lalbiakliana, BCM Worship & Music Director leh Pu Moses Lalrohlua Sailo, Lecturer, AICS ten an hmanpui ang. He Seminar-ah hian Lawngtlai Area huam chhunga Kohhran Upa leh rawngbawltute, Music Committee members te leh Zaipawl Director te tel tura beisei an ni a, mi 200 vel ni tura ngaih an ni.

Worship & Music Seminar hi Lunglei Area huapin hlawhtling takin neih a lo ni tawh a, November 26 khian Aizawl City huapin Ramhlun North Biak inah Seminar hi neih leh tum a ni bawk.

MTKP Environtment Photo Exhibition tan ta.

MTKP Photo Exhibition 2011
MTKP Photo Exhibition

Vawiin, November 17 zing dar 11:00 khan MTKP buatsaih, Environment Photho Exhibition chi Art & Culture Auditorium,  Lunglei-ah Khuallian Pu Joseph Lalhimpuia, HPC Vice Chairman-in a hawng ta. Hawnna Inkhawm hi Pu Pu R. Lalnghakliana, Exe.Comtt member, MTKP-in a kaihruai a. Rev. R. Zohmingliana, President, TKP-in Hunserh hamngin Chief Guest Pu Mahima’n thu sawiin zaithiam Tv. Lalramchhana leh CR Laldingliani te bakah BCM Choir te an zai a, Pu Kawlhnuna, DFO Lunglei leh Pu K. lalmuansanga, General Secretary, ASEP, MIzoram ten thu an sawi bawk.

He Photo Exhibition-ah hian Participants mi 34 atangin thlalak chi hrang hrang(Item) 94 thehluh a ni a, heng te hi phochhuah a ni. Heng Inelnaa tel bakah hian ASEP atangin Thlalak 12 leh Pu H.Vanlallawma, News Correspondent Lunglei -in thlalak 3 an rawn pho lang bawk.

Exhibition hian naktuk thleng a awh ang a. Naktuk chawhnu Dar 2:00-ah Closing function neih leh a ni ang. Hetah hian Result puan leh lawmman sem a ni ang.

Closing Programme:

 

A hun : November 18,2011(Fri) 2:00pm

 

A hmun: Art & Culture Auditorium, Lunglei

 

Hruaitu : Pu C. Lalthantluanga, Exe.Comtt member, MTKP

 

Hun serh: Upa K. Lalhmingthanga, Sr.Adv.MTKP

 

Chief Guest : Rev. H. LIanngaia, General Secretary, BCM

 

Result puan & Lawmman sem : Pu T. Lalhlimpuia, Exe.Comtt member, MTKP

 

Solo : Nl. Bethsy Lalrinsangi, Tv. R. Lalramchhana

 

Zaipawl :T BCM Choir

 

Hetiang hian lawmman buatsaih a ni:-

1st – Rs 10000 + Citation
2nd – Rs 7000 + Citation
3rd – Rs 5000 + Citation

Viewer choice – Rs 3000 + Citation
Consolation Prize – Mi panga tan Rs 1000 theuh.

BCM leaders and R&D Board members meeting with Baptist World Aid Projects Officer.

rightMs. Felicity Errington,  Projects Officer BWAA visited the BCM Relief and Development program on a monitoring visit. The R&D of BCM and BWAA have been working in partnership to promote health and farming system in Mizoram since seven years back. During the course of her visit Ms. Felicity and the BCM leaders and R&D Board members have a meeting in which they discussed about the possibility of continuing partnership program with increased budget and activities. The BCM Relief and Development leaders expressed deep thanks and appreciation for BWAA concern.

BCM R&D hnuaia Puanthui zirten Graduation Day hmang

 

Rev. H. Lianngaia, General Secretary BCM in Puanthui zir chhuak  pasarihte hnenah Puanthui khawl leh Cerificate a hlan.

Vawiin, November 14, 2011 khan BCM R&D hnuaia Youth Skill Training Centre -a zirchhuak te pualin Graduation Day hman a ni a. Pu MS Dawngliana, Director, BCM R & D-in Inkhawm kaihruaiin Rev. H. Lianngaia, General Secretary BCM chuan kumin a Relief and Development Skill training Program hnuaia Puanthui zir chhuak hmeichhia pasarihte hnenah Puanthui khawl leh Cerificate hlanna anei. He mi bakah hian Vathuampui a zir chhuakte pawh hun remchang hmasa berah Puanthui khawl pek leh thuai tum ani. He Training hi Pu Zomawia (Revd. DJ Minton) in a rawn tanpuinaah BCM hotute chuan Lawmthu an sawi.

(Rev H. Lianngaia General Secretary of BCM distributed Sewing machines to seven girls trained under the BCM Relief and Development Department’s Skill training program 2011. TheBCM leaders expressed their sincere thanks and appreciation to Revd. DJ Minton (Pu Zomawia) for his continued interest and support through which they could give support to poor rural girls to enable them to practice their acquired skill in tailoring immediately on completion.)

……………..

 

Participatory Rural Appraisal (PRA) tools hmanga  survey

Participatory Rural Appraisal (PRA) tools hmanga  survey neih dan R&D hall a neih ani a. He training hi a taka chhunzawmin  Dawn khua a Hmeichhia leh mipa 30 vel zet lokal khawmin hlawhtling takin R&D staff leh mithiamte nen  hun hman ani.

(After having training in PRA,  a situational Analysis practical training had been conducted with resource persons from ASK and BWAA. 30 men and women participated in the training from Dawn village.)

……………….

 


Mission News-Updates

1. Tripura Beihpui Report:  Kan rawn tarlan tawh ang khan, Tunkar thawhlehni atang khan Tripuraa kan missionary te chuan Kristian la awm miah lohna khua Bailobari-ah beihpui (preaching) an thlak kal mekah  Kristiana inpe thar chhungkaw pakhat neih belh lehin baptistma an chang nghala, khaw dang lehah chuan mi 3 in baptisma changin, kristian chhungkua 1 an naute thihna chungchanga ringlomite dan anga inthenna an zawm duh loh avangin khua miten an tuithlar te tawngtai sakna neih nghal bawk ani. Sawi taw hang khan Heng khua te hi Subroom Area-a awm a ni a;kanmissionary 15 velin an luhchilh mek a ni. Kar hmasa October 30, 2011 khan Kolachhora atanga Km 3 vela awm, Huapara khuaah Kohhran an ding thar a; member 20 chuang an awm nghal.Kohhran hoten I tawngtaipui zel ang u.

 

 

2. Mission Field tlawh: Kan hriat theih chinah heng Kohhran/Group te hian Mission Field tlawhin an thang mek:-

 

1)  Serkawn kohhran: November 9, khan member 20 te chu Arunachal West Field tlawh turin an chhuak. An cham chhungin Medical Free Clinic, Electric Wiring, Sound System leh Sikul rawng hnawih leh a tul dangte thawk thei turin an inbuatsaih.

 

2) BCM Shalom, Aizawl:  Member 22 te chuan Arunachal East Field an tlawh kual mek.

 

3) Edenthar Kohhran, Lunglei Member 23 te chuan an Kohhran atanga chhuak Music Teacher, Tlangval Laldingngheta, Yazali, Arunachal West-a thawk an tlawh a, November Ni 12 hian Lunglei lo thlen an tum.

 

4) Salem Kohhran hruaitute pawhin Assam Bengal–a Mendavari, leh Birpara Area vel an tlawh mek bawk

Heng bakah hian  Lunglawn Kohhran chuan December Ni 10-14 hian Longpuighat sikulah Salvation Camp an buatsaih dawn. Speaker atan Pu Jomadon, Mar South ruaiin Evangelist Team, Longpuighat Circle leh Missionary te’n an pui ang. Tin, Hnahthial South Mission Committee pawhin hemi hnu hian Bolisora, Longpuighat Circle-a hma thar kan lakna-ah Pu Jomadon leh Longpuighat Team te tho hmang hian Salvation a Camp an buatsaih dawn bawk.

Chakma Mission huam chhung a Circle thim ber Longpuighat velah hian ringthar kumin chhungin 153 chuang kan nei ta ! Pathian hnen a lawmthu sawi chungin, heng Camp te hi thlaraubo tam tak chhanchhuah an nih theihnan buh neitupa hnenah I ngen sauh sauh ang u.

 

3. Thil dang te:

Training tan ta: Kar hmasa maia Missionary atana lak thar mi 4-te chuan AICS-ah Missionary Training(Diploma in Mission Training) chu an zawm ta. He Training hian Nakum April thleng (Thla ruk) chhung a awh ang a. Training an zawh hunah Missonary atan tirhchhuah an ni ang.

 

 Chakma Mission huamchhung a Zero Point Tuichawng, Samuksuri, Udalthana, Tuichawng, Town Church, Chawngte ahte Biak In sak mek a ni

 

 Rev.R.Lalrintluanga, Mission Co-Ordinator chu Longpuighaat Circle, Mizoram chhim thlang tawp lam fangin a zin chhuak mek.

 

Missionary damlote. An chanchin kan hriat thin, Pu.H.Laltlankima leh a Nupui Pi Madini te. Upa LH Liandinga tuna Vellore-a awm mek te chu Kal thlak theih tur a buatsaih zel an ni a, Pathian tihdamna leh thlamuanna I dilpui ang u

District Level Behaviour Change Communication Workshop

Tunkar thawhlehni leh nilaini khan Christian Medical Association of India, Mizoram sawrkar leh Mizoram Baptist Kohhran, R & D Department tangkawp te Malaria dona kawng a hma lak zelna pakhat District Level Behaviour Change Communication Workshop chu Lunglei Circuit House Conference Hall-ah neih ani. CMAI Regional Officer Laikynmaw in he hun hi a rawn hman pui.

CMAI hian Mizoram chhungah khaw 885-ah an thawk mek a. Undivided Aizawl District-ah Synod Social Front nena tangdun in Malaria dona kawngah hna an thawk dun in. Lunglei ,Lawngtlai, leh Saiha District-ah BCM R & D nena thawk in Lunglei District bikah khaw 185 ah an thawk ani.