Ms. Felicity Errington, Projects Officer BWAA visited the BCM Relief and Development program on a monitoring visit. The R&D of BCM and BWAA have been working in partnership to promote health and farming system in Mizoram since seven years back. During the course of her visit Ms. Felicity and the BCM leaders and R&D Board members have a meeting in which they discussed about the possibility of continuing partnership program with increased budget and activities. The BCM Relief and Development leaders expressed deep thanks and appreciation for BWAA concern.
Rev. H. Lianngaia, General Secretary BCM in Puanthui zir chhuak pasarihte hnenah Puanthui khawl leh Cerificate a hlan.
Vawiin, November 14, 2011 khan BCM R&D hnuaia Youth Skill Training Centre -a zirchhuak te pualin Graduation Day hman a ni a. Pu MS Dawngliana, Director, BCM R & D-in Inkhawm kaihruaiin Rev. H. Lianngaia, General Secretary BCM chuan kumin a Relief and Development Skill training Program hnuaia Puanthui zir chhuak hmeichhia pasarihte hnenah Puanthui khawl leh Cerificate hlanna anei. He mi bakah hian Vathuampui a zir chhuakte pawh hun remchang hmasa berah Puanthui khawl pek leh thuai tum ani. He Training hi Pu Zomawia (Revd. DJ Minton) in a rawn tanpuinaah BCM hotute chuan Lawmthu an sawi.
(Rev H. Lianngaia General Secretary of BCM distributed Sewing machines to seven girls trained under the BCM Relief and Development Department’s Skill training program 2011. TheBCM leaders expressed their sincere thanks and appreciation to Revd. DJ Minton (Pu Zomawia) for his continued interest and support through which they could give support to poor rural girls to enable them to practice their acquired skill in tailoring immediately on completion.)
Participatory Rural Appraisal (PRA) tools hmanga survey
Participatory Rural Appraisal (PRA) tools hmanga survey neih dan R&D hall a neih ani a. He training hi a taka chhunzawmin Dawn khua a Hmeichhia leh mipa 30 vel zet lokal khawmin hlawhtling takin R&D staff leh mithiamte nen hun hman ani.
(After having training in PRA, a situational Analysis practical training had been conducted with resource persons from ASK and BWAA. 30 men and women participated in the training from Dawn village.)
1. Tripura Beihpui Report: Kan rawn tarlan tawh ang khan, Tunkar thawhlehni atang khan Tripuraa kan missionary te chuan Kristian la awm miah lohna khua Bailobari-ah beihpui (preaching) an thlak kal mekah Kristiana inpe thar chhungkaw pakhat neih belh lehin baptistma an chang nghala, khaw dang lehah chuan mi 3 in baptisma changin, kristian chhungkua 1 an naute thihna chungchanga ringlomite dan anga inthenna an zawm duh loh avangin khua miten an tuithlar te tawngtai sakna neih nghal bawk ani. Sawi taw hang khan Heng khua te hi Subroom Area-a awm a ni a;kanmissionary 15 velin an luhchilh mek a ni. Kar hmasa October 30, 2011 khan Kolachhora atanga Km 3 vela awm, Huapara khuaah Kohhran an ding thar a; member 20 chuang an awm nghal.Kohhran hoten I tawngtaipui zel ang u.
2. Mission Field tlawh: Kan hriat theih chinah heng Kohhran/Group te hian Mission Field tlawhin an thang mek:-
1) Serkawn kohhran: November 9, khan member 20 te chu Arunachal West Field tlawh turin an chhuak. An cham chhungin Medical Free Clinic, Electric Wiring, Sound System leh Sikul rawng hnawih leh a tul dangte thawk thei turin an inbuatsaih.
2) BCM Shalom, Aizawl: Member 22 te chuan Arunachal East Field an tlawh kual mek.
3) Edenthar Kohhran, Lunglei Member 23 te chuan an Kohhran atanga chhuak Music Teacher, Tlangval Laldingngheta, Yazali, Arunachal West-a thawk an tlawh a, November Ni 12 hian Lunglei lo thlen an tum.
4) Salem Kohhran hruaitute pawhin Assam Bengal–a Mendavari, leh Birpara Area vel an tlawh mek bawk
Heng bakah hian Lunglawn Kohhran chuan December Ni 10-14 hian Longpuighat sikulah Salvation Camp an buatsaih dawn. Speaker atan Pu Jomadon, Mar South ruaiin Evangelist Team, Longpuighat Circle leh Missionary te’n an pui ang. Tin, Hnahthial South Mission Committee pawhin hemi hnu hian Bolisora, Longpuighat Circle-a hma thar kan lakna-ah Pu Jomadon leh Longpuighat Team te tho hmang hian Salvation a Camp an buatsaih dawn bawk.
Chakma Mission huam chhung a Circle thim ber Longpuighat velah hian ringthar kumin chhungin 153 chuang kan nei ta ! Pathian hnen a lawmthu sawi chungin, heng Camp te hi thlaraubo tam tak chhanchhuah an nih theihnan buh neitupa hnenah I ngen sauh sauh ang u.
3. Thil dang te:
Training tan ta: Kar hmasa maia Missionary atana lak thar mi 4-te chuan AICS-ah Missionary Training(Diploma in Mission Training) chu an zawm ta. He Training hian Nakum April thleng (Thla ruk) chhung a awh ang a. Training an zawh hunah Missonary atan tirhchhuah an ni ang.
Chakma Mission huamchhung a Zero Point Tuichawng, Samuksuri, Udalthana, Tuichawng, Town Church, Chawngte ahte Biak In sak mek a ni
Rev.R.Lalrintluanga, Mission Co-Ordinator chu Longpuighaat Circle, Mizoram chhim thlang tawp lam fangin a zin chhuak mek.
Missionary damlote. An chanchin kan hriat thin, Pu.H.Laltlankima leh a Nupui Pi Madini te. Upa LH Liandinga tuna Vellore-a awm mek te chu Kal thlak theih tur a buatsaih zel an ni a, Pathian tihdamna leh thlamuanna I dilpui ang u
Tunkar thawhlehni leh nilaini khan Christian Medical Association of India, Mizoram sawrkar leh Mizoram Baptist Kohhran, R & D Department tangkawp te Malaria dona kawng a hma lak zelna pakhat District Level Behaviour Change Communication Workshop chu Lunglei Circuit House Conference Hall-ah neih ani. CMAI Regional Officer Laikynmaw in he hun hi a rawn hman pui.
CMAI hian Mizoram chhungah khaw 885-ah an thawk mek a. Undivided Aizawl District-ah Synod Social Front nena tangdun in Malaria dona kawngah hna an thawk dun in. Lunglei ,Lawngtlai, leh Saiha District-ah BCM R & D nena thawk in Lunglei District bikah khaw 185 ah an thawk ani.
Kum dangah pawh an lo tih thin angin Mizoram Baptist Kohhran, Pastoral Department buatsaihin Pastor Refresher Course ti tura thlan chhuah Pastor 7 te chuan AICS-ah tunkar Thawhlehni, (November 8) atang khan Refresher Course an tan ta.Pastor Refresher Course hi November 18 thleng neih a ni ang.
Tun tuma thlan chhuahte chu hengte hi an ni:-
1.Rev RC Lalthanzama – Tlabung BIaltu Pastor
2.Rev PC Lalnunzira – Champhai BIaltu Pastor
3.Rev KV Thanga – Bazar BIaltu Pastor
4.Rev C Chhuntluanga– Theiriat BIaltu Pastor
5.Rev T Lalsangvunga – Lungsen BIaltu Pastor
6.Rev R Lalrinliana – Aizawl East BIaltu Pastor
7.Rev K Lalbiakchhawna – Thingfal BIaltu Pastor
Tunlai hian Kohhran hrang hrang ten Mission Field tlawhin an feh chhuak leh mek a. Kan hriat theih chinah – Aizawl Shalom Kohhran member 25 chuan November thla tir atang khan AP East leh West field fangin an feh chhuak a. Lunglei Salem Kohhran hruaitu mi 6 te pawh Assam Bengal field fang turin Nov. 7 khan an feh chhuak bawk. Tin, Serkawn Kohhran member 20 te pawh tukin khan Arunachal West Field – Ziro Area leh Naharlagun area te fang turin an chhuak leh ta. Anni hian Midical Doctor 2 leh Nurse te hruaiin Medical Clinic te an neihpui nghal dawn a ni.
BCM Mission Department-in kum 2009 atanga an lo kalpui tawh, Kohhran Upa leh Pastor te puala Mission Field Trip(Tour) Programme pawh kuminah hian kalpui leh a ni dawn a. Kumin-ah hian Arunachal East field fang turin Pastor 4 leh Kohhran Upa 16 (anvaiin 20) thlan chhuahte chuan karleh, November 17 khian an chhuak ang. Heng Mission Field kal tur zinga a tam zawk hi tuna Mission Committee member te an ni. Tun hmain kum 2009 khan Assam Bengal field leh 2010-ah Tripura field an lo tlawh tawh a ni.
Tripuraa kan missionary te chuan nimin-Thawhlehni atang khan Kristian la awm miah lohna khua Bailobari-ah beihpui (preaching) an thlak mek a. He khua hi Subroom Area-a awm a ni a; kan missionary 15 velin an luhchilh a ni. Kar hmasa October 30, 2011 khan Kolachhora atanga Km 3 vela awm, Huapara khuaah Kohhran an ding thar a; member 20 chuang an awm nghal.