Category Archives: BCM News

Home Post

BCM welcomes Ms Felicity Errington

Vawiin, November, 4  chawhnu dar 2:00 khan BWA atangin Ms Felicity Errington chuan BCM R&D nen an thawh hona rawn endik tur leh Training pe a Target Village hrang hrang ah Field visit nei turin Lunglei a rawn thleng a. BCM R & D Director leh Staff ten an lo dawngsawng. Tlai Dar 3:00 PM – 4:00 PM inkar ah R & D staff te nen meeting neiin hun an hmang a. Chumi zawh ah BCM R&D Board Member te nen meeting nei ve leh in hun hman a ni bawk. Hemi hnu hian R&D Accountant te training pein, chawhlui kilho nghal a ni.

BWA Women’s Day of Prayer

November ni 7 (Thawhtanni)khi khawvel huap a Baptist Kohhran Hmeichhe Pawl Tawngtai Ni (BWA Women’s Day of Prayer) a ni a,  Mizoramah pawh BKHP Unit tinin he ni hi urhsun takin an hmang dawn. He Tawngtai Ni hi zing lam dar 10-ah tanin “Thlarau Kaihhruaiin i awm ang u” tih thupui hmangin hun hman a ni ang a. Thuchah leh Chibai bukna chhiar chhuah a nih bakah Tawngtai rual vawi 9 nei turin programme siam a ni a. Hetiang hian Tawngtai thupui siam a ni:
Tawngtairual vawi 1-na:   Africa Baptist Hmeichhiate tan
Tawngtairual vawi 2-na: Asia Baptist Hmeichhiate tan
Tawngtairual vawi 3-na: Caribbean Baptist Hmeichhiate tan
Tawngtairual vawi 4-na: Europe Baptist Hmeichhiate tan
Tawngtairual vawi 5-na:  Latin America Baptist Hmeichhiate tan
Tawngtairual vawi 6-na: North America Baptist Hmeichhiate tan
Tawngtairual vawi 7-na:  S. West Pacific Baptist Hmeichhiate tan
Tawngtairual vawi 8-na: Khawvel Baptist Hmeichhe Pawl Hruaitute
Tawngtairual vawi 9-na:  MBKHP, Bial leh Unit hruaitute leh member zawng zawng tan
Mizoram BKHP hi India rama Baptist Kohhran Hmeichhe pawl zingah kum 2 chhung chu target pe tha ber an ni.

For more infoirmation : BWA Women’s Day of Prayer

Mission News Update

 

  • Work Camp  :
  1. November 1 – 8, 2011 hian Hrangchalkawn kohhran chuan Samuksuri-a Chakma Kristian Biak in chu an sak chhunzawmpui dawn. Hemi hnu hian South Vanlaiphai kohhranin an sak zawm ve thung ang.
  2. November, 2011 chhung vek hian Electric ‘N’ kohhran, Hnahthial chuan Chawngte ‘C’ a Chakma Town church an sakpui dawn. He Biak in sak nan hian BCM chuan Rs 100,000/- a pe a ni.
  3. November 1 – 6, 2011 hian Hnahthial ‘S’ Bial Mission committee chuan Baptist Boarding School, Chawngteah Work Camp an nei. Heng Work Camp te hi i tawngtaipui ang u.
  • Salvation Camp  :  i) November 2 – 5, 2011 khan Electric ‘N’ kohhran, Hnahthial chuan Montola-ah Chawngte Chakma Evan. Team nen tang tlangin Salvation Camp an buatsaih.  ii) October 27 – 30, 2011 khan MP & MS Field chuan Dharni-ah Camp neiin mi za chuang an kal khawm. Thlarau harhna changin Pathian fakin an lam nasa. Mi 5 in ringthar Baptisma an chang.  iii) Thutak Puangtu Team – Upa Dengdailova te chuan Teirei Khawhnaiah (BBC) Camp an buatsaih mek. Damparengpui lamah Crusade an nei chhunzawm ang.
  • Santal ringthar  :  Tun hnai lawk khan Thingkah, Lawngtlai District-ah Non-Mizo Evangelist-ten rawng an bawl a. Santal ringthar 6 in Baptisma an chang.

 

  • Arunachal fang dawn  :  BCM Shalom, Aizawl hruaitu leh member mi 25 chuan November 2, 2011 hian chhuakin Arunachal West Field leh Arunachal East Field an fang dawn. He kohhran hian Mission lamah an thawh hlawk hle.
  • Mishing hnam Kristian pung  :  Assam-a Mishing hnam zinga BCM in rawng kan bawlnaah mi 83 in 2011 hian Baptisma an chang tawh a, kohhran thar 1 a ding tawh bawk. Tunah hian Mimang Bodoki khuaah in tin tlawha Chanchin Tha hril mek a ni a, kohhran a din beisei a ni. Tawngtaipui ang u.
  • Missionary damlote  :  i) Pi Laldinpuii w/o Pu H. Laltlankima, October 30, 2011 khan Kathmnandu-ah kawchhunga thisen put (internal bleeding) vangin damdawi in (I.C.U)-ah dah luh a ni. A pasal pawh a Kal (kidney) thlak tura CMC Vellore-a buatsaih mek a ni.  ii) Pro. Pastor David Lalmalsawma Sailo, HM, Nazareth Comp. H/S, Vathuampui chu Malaria (pv & pf) vangin October 30, 2011 tlai khan Christian Hospital, Serkawnah dah luh a ni.
  • Field fang dawn  :  November 7, 2011 hian Salem kohhran hruaitu 6 vel chu Sumo-in Assam-Bengal Field fang turin an chhuak dawn. An rual hian ZBMS Birpara-a kan Missionary Nl. F. Lalsawmliani pawh a kal ve nghal ang.
  • BCM Mission Board meeting  :  November 1 – 2, 2011 khan BCM Mission Board chu Hqrs. committee room-ah an thu khawm. 2012-2013 a BCM Mission Field leh sikul Budget leh thil pawimawh dang tam tak an rel bakah Missionary 4 an la thar bawk. Chungte chu:-
    1. Lalthansanga S/o Tawnleicheuva(L) Khatla ‘S’ (BCM Shalom), Arunachal Theological College-a thawk tur.
    2. C. Lalremruata  S/o Rev. C. Ngurhnema, Venghlui, Azawl – Evangelist, Jharkhand Area-Assam Bengal Field-a thawk tur
    3. Lalzawmliana Sailo, S/o Lalramzauva Sailo, Ebenezer, Zobawk – Music Teacher, Arunachal East Field a thawk tur
    4. C. Vanlalhruaia, S/o Pakunga Chhangte, Edenthar, Serchhip – Music Teacher, Arunachal West Field-a thawk tur  te an ni.
  • Dodaltu Kristian nih tum  :  Ziro-a Bamin-Michi khuaa Pu Michi Tari, nasa taka Kristiante dodal thintu chu Cancer-in a dam lo va. Kohhranten  nasa takin an tawngtaisak a, a lawm hle. Kristiana inpek a tum. Ziro Prayer Centre-ah Pathian beiseiin a awm mek. Lawmthu sawi chungin a tan i tawngtaisak ang u.

Missionary 4 la thar

November 1-2, (Thawhlehni leh Nilaini) a Mizoram Baptist Kohhran, Mission Board thukhawm chuan Mission field hrang hranga thawk turin Missionary mi 4 an la thar leh ta.

 

Tuntuma Missionary atana lak tharte hi November 2011 – April 2012 (thla 6) chhung AICS-ah  Missionary Training an nei ang a, Training an zawh hunah Missionary atan tirhchhuah an ni ang: Chungte chu:-

  1. Lalthansanga S/o Tawnleicheuva(L) Khatla ‘S’ (BCM Shalom), Arunachal Theological College-a thawk tur.
  2. C. Lalremruata  S/o Rev. C. Ngurhnema, Venghlui, Azawl – Evangelist, Jharkhand Area-Assam Bengal Field-a thawk tur
  3. Lalzawmliana Sailo, S/o Lalramzauva Sailo, Ebenezer, Zobawk – Music Teacher, Arunachal East Field a thawk tur
  4. C. Vanlalhruaia, S/o Pakunga Chhangte, Edenthar, Serchhip – Music Teacher, Arunachal West Field-a thawk tur  te an ni.

Khawvel Sunday School Ni

November ni 6 (Pathian Ni)hi khawvel Sunday School Ni a ni a, he Ni hi Mizoram Baptist Kohhran chuan kohhran tinah Pathianni zing inkhawm ah Headquarters atanga thupui thlan sa hmangin thuchah gnaihthlak a ni ang a. Hei bakaha hian Tualchhung Kohhran ten tul leh tha an tih angina hemi ni pual progamme hi an hmang  dawn a ni. Kumina Khawvel Sunday School Ni thupui chu ‘Zir La Nunpui Rawh’ tih thu a ni ang.

Sunday School Intan dan. Christian Education, Kristian inzirtirna hi tun hma atangin a awm daih tawh a, Biak ina Pathian thu zirhona hi an kalpuina a rei tawh em em a ni. Amaherawhchu tun laia Sunday School kan tih hi chu 1780 kuma Robert Raikes-an Gloucester, England-a a din a ni. Hei hi a thang zel a, Sunday School a pung zel a, 1785 kumah Sunday School inzawmkhawm pawl hmasa ber, Society for Promoting Sunday School a lo ding ta hial a, a hnu lawkah Sunday School Society tia thlak a ni.

Khawvel hmun hrang hrangah a darh zau zel a, India ramah pawh kum 1800 khan William Carey leh a thiante pathumin Serampore-ah an lo din a. Tin, Mizoramah chuan kum 1896-ah Sapupa leh Pu Buanga ten Aizawlah an din a, chhim lamah chuan kum 1902-ah Tv. Thankunga (a hnua Tirhkoh leh Pastor ni ta) leh a thian ten Sethlun-ah an din a ni.

Khawvel Sunday School Ni. Khawvel Sunday School Ni dintu chu Dr. George W. Bailey a ni. Ani hi America (USA) mi a ni a, khawvel huapa Sunday School rawngbawlnaa mi pawimawh tak a ni a. Kum 1910 khan World Sunday School Association ah President atan thlan a ni a. Ama huaihawtin kum 1907 khan khawvel pum huap Sunday School Ni Rome khawpuiah an lo hmang tawh a, President a nih kum, 1910 ah phei chuan Washington khawpuiah May 22 ah ropui takin an hmang a ni. Khawvel Sunday School Ni hi a remchan dan angin hman a ni thin a, mahse India ramah chuan tuna kan hman lai mek, November Pathian ni hmasa ber hi hman a ni ta reng a ni. BCM pawhin kum 1939 khan All India Sunday School Union kan zawm a, chuvang chuan Khawvel Sunday School Ni hi kan lo hmang ve ta a. A hnuah Christian Education Evangelical Fellowship of India kan zawm leh a, kum 2009 atang khan All India Sunday School Association kan zawm leh ta a ni.

BCM Sunday School Dinhmun. Kum 2010 Assembly report hi tuna kan neih hnuhung ber a ni a, chuta a lan danah chuan kan dinhmun tlangpui chu – Tualchhung Kohhran 407 ah Kohhran 375 ah Sunday School a ding a, Kohhran member kum 4 chin chunglam 107440 ah member 75637 (70.40%) in hming an ziak a. Sunday School puipa 1830 an awm a, zirtirtu 6799 an awm bawk a, zirtu chu 67315 an awm thung a ni. Tin, Sunday School Hall nei Kohhran 184 an awm a, Sunday School Library nei emawzat an awm bawk.
 

Baptist Kohhran Hmeichhe Pawl Tawngtai Ni: November ni 7 khi khawvel huap a Baptist Kohhran Hmeichhe Pawl Tawngtai Ni (BWA Women’s Day of Prayer) a ni a, Mizoramah pawh BKHP Unit tinah he hun hi hman tur ani. Zing dar 10 ah tanin tawngtai rual vawi 9 nei turin programme siam ani a, khawmualpui hrang hrang a hmeichhia te leh MBKHP, Bial leh Unit hruaitute leh Member zawng zawng te tan tawngtai tur ani ang

Pro.Pastor Exam mek

BCM hnuai a thawk lai Probationary Pastor te chuan vawiin, November 3 hian Annual Exam an nei.

 

Tun tumah hian Pro.Pastor 1st Year atangin  mi 5 in an Exam a, 2nd Year ah mi 8 in an Exam bawk. 3rd Year ho erawh chu Project Writing pek an ni a, mi 5 an awm. Heng 3rd Year ho te hi an Passed a nih chuan Assembly 2012 ah nemngheh an ni ang.