Category Archives: BCM News

Home Post

NURSING SCHOOL SERKAWN TI THA

Mizoram Nursing Council Exam Result 2011 tih chhuah takah Nursing School, Serkawn chu an ti tha hle a, Batch hrang hrang atanga exam zingah Top ten-ah mi 9 zet an lang, chungte chu:-

First Year : Appeared – 18
1st position in Mizoram : Lalvenhimi Tochhawng, D/o VL Sawma
4t position in Mizoram : Lalnunpuii Khiangte, D/o K. Lalhmingmawia

Second Year: Appeared – 20
1st position in Mizoram : Laltlankimi, D/o Ranjan
3rd position in Mizoram : Lallawmzuali, D/o R. Lalhmuthara
5th position in Mizoram : Pc Laldingliani, D/o Zothantluanga Pachuau
6th position in Mizoram : C. Zohmingthangi, D/o C. Vanlalsanga

ThirdYear: Appeared – 18
6th position in Mizoram : Helen Lalrinpuii, D/o R. Thangzika
7th position in Mizoram : Zobiaksangi, D/o F Hmingdailova
8th position in Mizoram : Lalrindiki Chhangte, C/o Laldinthara Chhangte.

Chanchin kan ziak lai hian result pumpui kan la hre hman lo a ni.

BEIRUAL TAN TA

Mizoram Baptist Kohhran chuan kum tina a lo tih thin angin Nizan (September 1, 2011) atang khan Beirual thuzir a tan ta.

Beirual
Beirual

Kuminah hian SIAM THAR LEHNA tih thu zir a ni dawn a, Mi hrang hrang ziak tir an ni. He thupui hnuaiah hian Siam thar lehna awmzia atanga tanin Mimal nun siam thar lehna, Chhungkaw siam thar lehna, Khawtlang nun siam thar lehna, Ram leh hnam siam thar lehna, BCM leh a rawngbawlna leh Mission rawngbawlna chungchang te kan zir dawn a ni. Zirlai pakhatna tih loh a dang zawngah chuan sawiho tur dah zel a ni a. Sawiho tur pawh sawiho chakawm tak tak hlir an ni. Tun hnai kum 2000 leh a hnu lama BCM in Beirual thuzira kan lo zir tawhte chu-
2000 Dinthar lehna
2001 Inthawina nung
2002 Thlarau Thianghlim
2003 Isua Krista Chatuanin, Amen !
2004 Isua Krista khawvel mamawh
2005 Harhna
2006 Mission
2007 Tawngtaina
2008 Pathian Chibai buk
2009 Thilp>k Rawngbawlna
2010 Kohhran
2011 Siam thar lehna

BCM-in Beirual kan hman tan dan

Kum 1918 March thla khan Champhai Hmunhmeltha khua, In 40 vel awmnaah chhim leh hmar infinin Inkhawmpui (Presbytery) an nei a. Palai 1700 zet an kal a; chhim lam atangin Baptist Kohhran aiawhin Sap upa leh Pastor Rohmingliana an tel ve a. Chutih lai chuan Mizoram pumah kristian 12,000 an awm tawh a; ringlo ho chu 10 theuha an inkim a ni. Chuvangin kum tin ringlo pakhat theuh kristianah siam ila, chu mi hunah chuan kan bei rual ang a; ring loho chu hneh vek i tum ang u, tiin Beirual hi an rawt chhuak a.

Mizoram Baptist Kohhran chuan kum 1926 Presbytery-ah Beirual hi neih a rel a, 1927 January atangin beirual hi kan nei tan niin, Rev.V.L.Zawnga chuan a sawi a. A tirah chuan January thlaah neih a ni thin a, mahse khua a vawh thin em avangin September thlaah an sawn a; tun thlengin hei hi kalpui a ni ta zel a ni.

Beirual hi thla khat chhung neih a ni thin a. Thla chanve chhung chu tawngtai nan hman a ni a. Zanriah eikham veleh dar an vua a, tawngtai turin Biak inah an kalkhawm thin a, ina lo awmte pawh inah an tawngtai thin a; chutianga thla chanve an kalkhawm hnuin thla chawhnu lamah an feh chhuak thin a. Zanriah eikham veleh dar an vaw leh a; mualah an kalkhawm thin a, lenna tur insemin in tinah Pathian thuhril turin an insem a, pakhat tal Krista hnena hruai tumin an bei a. Hun an hman zawhah tin mai lovin, mahni hmun theuh atangin mual an pankhawm leh a, tawngtaihona neiin an tin thin a ni.

Hun a lo kal zel a, Mizoram chu Kristian vek kan lo nih tak avangin hetianga tih reng hi a tul ta lo va, tunah chuan Kristian nun inzirtirna hun atan hmangin thla chawhma lam ni 15 chhung chu Thuzir nan hman a ni a; Kohhran tinin Headquarter atanga thuzir tur an buatsaih chu Biak inah a huhovin zir thin a ni a; thla chawhnu lam chu Tualchhung Kohhranin anmahni tha tih dan berin an hmang thin a; Camping leh Crusade nante hman a ni deuh ber.

GRADUATION DAY HMANG DAWN

Vawiin, August 30,2011(Thawhlehni) Chawhnu dar 2:00 hian Nursing School, Serkawn chuan Graduatioan Ceremony an hmang dawn a. Khual lian atan HPC Vice Chairman Pu Joseph Lalhimpui a ni ang. Hemi ni hian GNM zir chhuak mi 12 hnenah Graduation Certificate hlan an ni ang.

………..

GRADUATION PROGRAMME – 2011

Venue – School of Nursing, CHS

Date – 30th August 2011 (Tuesday) 2:00P.M

Chairman – Dr Lalramzauva, Med.Supdnt. Christian Hospital Serkawn

Chief Guest – Pu Joseph Lalhimpuia, Hon’ble V.Chairman, HPC

Devotions – Rev C.Vanlalhruaia, Chaplain, CHS

Hymn – Aw Pathian, Nang, Lalber i ni KHB No. 16

Introduction – Pi Hmingthanmawii Pachuau, Principal, SON

Presentation of Certificate – Chief Guest

Presentation of Award and Prizes – Rev. Dr. K.Thanzauva, President BCM

Thanks giving prayer – Rev. C.Ngurhnema, AGS i/c Service Dept. BCM

Oath taking – Graduates

Valedictory address – Chief Guest

Group song – Students

Speech on behalf of BCM – Rev. H.Lianngaia, General Secretary, BCM

Speech on behalf of Faculty – Pi Vanlalthlengliani, Vice Principal.

Speech on behalf of Graduates – Nl. H.Lalrinchhani

Closing Hymn – Aw Lalpa, i malsawmna hlu KHB No. 553

Benediction – Rev, H.Sangchema, Director, Education Deptt. BCM
……………………………

LIST OF GRADUATES

1. Esther Lalrawngbawli Hnialum, D/o H.Lalhmangaiha (L), Shillong

2. F.Lalrinchhani, D/o F.Lalthangchhunga, Republic,Aizawl

3. F.Lalthantluangi, D/o F.Rodingliana, Farm veng, Lunglei

4. F.Malsawmthangi, D/o F.Vanlalhmuaka, Lunglawn, Lunglei

5. H.Lalrinchhani, D/o H.Zodinthanga (L), Chanmari, Aizawl

6. Lalrintluangi, D/o Michaela, Bazar veng, Lunglei

7. Nancy Lalrinawmi, D/o Zoramchhana, Tuikhuahtlang, Aizawl

8. Ramhnehpuii Chawngthu, D/o Zadingluaia, Tuidam

9. Rinthanpuii Ralte, D/o R.Lalchawimawia, Haulawng

10. T.Laltlanzari, D/o T.Lallianngura, Diltlang ‘S’

11. VLMS Dawngliani, D/o F.Thansiama, Chaltlang, Aizawl

12. P.C.Lalchamliani, D/o P.Lalhmangaiha, Haulawng

ASSEMBLY EXECUTIVE TIAK TA

Executive Committee zo ta
Tun kar Nilaini leh Ningani khan Assembly Executive Committee Meeting Sap Upa leh Pu Buanga Hall-ah neih a ni a. Palai member 165 an kal a, Thu pawimawh tak tak an rel zingah :-
1) Heng ahnuaia Mission Agencies 3 te nen thawhhona thuthlung (MoU) sign pui dilna remtih a ni a, Assembly-ah pawmpui turin report ni se tih a ni.

(a)Good News Society (Assam)

(b) Wycliffe Bible International, Asia Pacific (WBTI A-P)

(c) Indian Evangelical Mission (IEM)

2) Central Committee-in Arunachal Theological College tan Lecturer tur B.D or M.Div pek ni se ti-a a rawn thlen chu remtih a ni a, Pastortal Committee-in lo bawhzui see tih a ni.

3) Central Committee-in Lawngtlai Area Baptist Choir te APBF Conference, 2012 ah tirh ni se tih chu pawmpui a ni.

4) BCM Headquarter-a hman tur Bus lei remtih a ni.

5) Kohhran thunun lai, pawl danga chhuak ta te an thununna hlihsak zui dan tur chungchang chu Tualchhung Kohhran -in Bialtu Pastorte nen sawiho thin ni se tih a ni.

6) Tuichawng Circle incharge Pu ZD Lallungmuana Serh leh sang khawih theihna pek remtih a ni a, Assembly-ah thlen chhoh ni se tih a ni.

7) Hlawhfa rawihna (Unskill Labour) rate chungchang siam fel thu sawiho chu an awmna hmun (local rate) angin an hlawh pek ve zel ni se tih a ni.

BCM dinhmun tlangpui

BCM Assembly neih mekah BCM dinhmun tlangpui tarlan a ni a, report hrang hrang atangin hetiang hi tuna BCM dinhmun chu a ni.

Tunah hian ABC (Area Baptist Council) 13 an awm a,
Pastor Bial – 72 (hawn thar te nen) awmin, Tualchhung Kohhran 530 ah chhungkua 29673 an awm.
Oradain Minister thawk lai 119 leh Pastor Pensioner 27 an awm bawk.
Probationary Pastor 24 an awm mek a, heng zinga 6 te hi tun Assembly-a Ordain tur an ni.
Kohhran Upa 2338 an awm a, chung zinga 14 chu hmeichhia an ni.
Rawngbawltu 3420 an awm a, chung zinga 64 te chu Hmeichhia an ni.
Member zawng zawng – 146331 niin Mipa – 73390, Hmeichhia – 72941 an ni a.
Baptisma chang member 98,508 niin Mipa-49140 Hmeichhia-49368 an ni.
Kum 2010 Assembly leh kumin Assembly inakrah mi 3507-Baptisma chang thar an awm a,
Sakhaw dang atanga lo lut mi 526(Mission Field chhiar tel lovin) an awm bawk.
Kohhran Pawl dang atanga lo lut-2744 an awm laiin Kohhran Pawl danga chhuak member 934 an awm.
Nupa tuak thar 821-ah Danpuitlinga Innei tuak 354 an awm a, Dante-a Innei tuak 467 an awm bawk.

Thalai Kristian Pawl(TKP) Member 29532 niin Mipa -14802, Hmeichhia 14730 an ni a,
Baptist Kohhran Hmeichhe Pawl(BKHP)member 26800 niin Baptist Mipa Pawl(BMP) member 13634 an ni.
Kristian Naupang Pawl(KNP) member 29532 awmin, Mipa 14802 leh Hmeichhia 14730 an awm bawk.

THAWKTU:
Tunah hian BCM hnuaiah hetiang hi thawktu dinhmun a ni:-

Central Department hnuaiah – 173
Service Department Hnuaiah – 296
Mission Department hnuaiah – 393
TOtal – 860

2010 January – December chhunga BCM Mission Field hrang hrang Ramchhung leh Rampawnah ringthar Baptisma chang zat chu 3497 an ni.
Hemi chhung hian kohhran thar 32 leh Fellowship thar 16 din a ni bawk.


BCM Statistic Khaikhawm