Chanchin lawrkhawm

Upa leh rawngbawltute Seminar:

June ni 9-10, 2018 chhûng khan Rev.R.Zohmingliana, AGS i/c Service leh Rev.K.Lalbiakenga, Organiser, PG&PAC te chu Chhipphir Bial huap Upa leh rawngbawltute Seminar cum retreat an neihpui a, AGS hian Kohhran hruaitute mawhphurhna leh enkawlna lam changin Organiser, PAC hian tunlai Zoram chhiatna – HIV/Aids, Zu leh ruihhlo leh kaihnawih chungchangah zirtirna a pe thung  ani. Bial chhung Kohhran aiawh an kal thain hlawkthlak an ti hle.

President Elect leh AGS  Tripura kal tur thulh rih:

June ni 16-17, 2018 chhûnga Jampui Sakhan Baptist Association sâwmna Vanghmun, Tripura lamah Sunday School Training/Seminar neihpuiin tura inbuatsaih Rev. PC Liandula, President Elect leh Rev Dr.C.Vanlaldika, AGS i/c Mission te chu tunlai ruahsur nasa vanga Mizoram hmun hrang hranga tuilian leh chhiatna thleng avangin an thulh ta a, anni pahnih hi Khawthlang lama Tuilian tuarte a hmuna tlawh turin an kal ta thung a ni.

General Secretary – Lawngtlai lamah

Rev.F.Ramdinmawia, General Secretary te chhung chu Chhungkaw chhiat tawhna avangin nimin, June 13, chawhnu khan Lawngtlai lamah an phei a, Chanchin kan buatsaih lai hian an cham chin tur kan hre thei rih lo.

Mission Convention:

#Leite Kohhran chuan June ni 10, 2018 Pathianni hmang khan Mission Convention an nei. Speaker atân Rev.F.Sangvela hmangin hlawkthlak an ti hle.

#Ramhlun Pastor Bial, Aizawl chuan June 29 – July 1 chhung hian Rev. Dr. C. Vanlaldika, AGS Mission Speaker-a hmangin Ramhlun South Biak Inah  Bial Mission Convention an hmang dawn a, Convention thupuiah “Zirtirahte siam ula..”. Matt.28:19 tih an hmang ang.

Result chhuak:

June ni 8, 2018 khan Tripura board Class-XII exam result a chhuak ve leh a, St.James Higher Secondary School, Gongrai result chu hetiang hi a ni e:- 1 Div – 1, II Div – 23, III Div – 4, Supplement – 1, Compartment – 1, Fail – Nil, Total – 30.  Class-XII exam hi an vawikhat neihna a ni a, hetianga result tha tak an nei hi a lâwmawm takzet a ni. Pathian hnênah lâwm thu sawi ang u.

Bial Zaipawl Sangau-ah kal:

Serkawn Pastor Bial Zaipâwl te chu Bial pâwn fehchhuah programme hmangin June ni 16-17 hmang hian BCM Sangau-ah an fehchhuak dawn a. Bial Worship and Music Committee Chairman Upa K.Lalnuntluanga leh Upa Dr.LH.Lalrammawia, Bial Chairman Elect-in an tawiawm ang.

Lawipu-ah kohhran thar hlanna neih a ni:

Dodâlna leh harsatna hrang hrang kârah Lawipui, Aizawl kohhran chu din a nih hnuin June ni 10, 2018 Pathianni khan Pathian hnêna hlanna hun neih a ni ta. Tûn laiin BCM kohhran Chhiahtlangah, Bawngkawn Brigade-ah harsatna kan tâwk thîn a, Issue hmasa lama kan târlan tawh angin kohhranhoten tawngtainaah i hre reng ang u.

Evangelism Programme:

#Dt 8/6/18 Zirtâwp zân atangin BCM Hrangchalkawnah Pre Crusade an tan a, 11/6/18 Monday atangin Camping an tan leh ang. Speaker Rbt.PLSanglura, Invaders For God Team

#June ni 6 zing khan BCM Luangmual, Aizawlah Upa & Rbt camp hlim takin an chhuak a, zân atangin TKP camp-ah 20 an lût. Speaker Upa F.Lalnuntluanga,Gospel for All Team

#Kar hmasa khan Eben-ezer Ministry chuan Phuaibuang bial an lût chho ve leh ta e. Speaker, LH Vanlalmawii.

#BCM Venghlunah Camping neih chhunzawm zêl a ni. Speaker Upa K.Lalênga, Chanchin tha chhuangtu Team.

#BCM Kanan Aizawl-ah June ni 11 (thawhtanni) atangin Camping an nei tan. Speaker Rbt.Lalhriatpuia Chawngthu, Horeb Ministry.

Tawngtaipui ngai

# BCM Bunghmun Bialtu Pastor Rev. R. Lalnghakliana chu a spinal cord  4 leh 5 a that loh avângin Indian Spinal Injuries Centre, New Delhi-ah refer a ni a,  June ni 11 khan an zai a. Pu Nghaktea hi dam tha taka a lo hâwn leh theih nân tawngtaipui ila. A bial hi thla khat lai a kalsan tawh avângin a awm loh chhûnga bial lo hmui tûrin Pastor Lalbiakzuala, Thenhlum bialtu chu ruat a ni. Pastor Biakzuala nupui Pi Vanlalchhuangi pawh hi Bedrest a ni a, Zobawk lamah a awm mêk bawk  Bial chhûng kohhranhote nên tawngtaipui ang u.

# Pastor Habert Rorelliana, Vathuampui bialtu Pastor nupui Pi Mamuani chu Serkawn Hospital-ah enkawl a ni a, Aizawl lama uluk zâwka checkup leh tûra tih a ni. Tawngtaipui zêl ang u.

#   M. Sangzeli, Tuichawnga Missionary chu Serkawn Hospital-ah naupai thi put vângin a awm leh a, tawngtaipui ang u.

Posted in BCM News.