Chawngte Pastor Bial  then leh Bial hruaitu thar hlanna Inkhawm neih a ni.

Mizoram Baptist kohhran Assembly 2021-in Chawngte Pastor Bial chu Bial pahhnih – Chawngte West leh Chawngte East Pastor Bial-a then tura a lo rel  angin Pastor Bial then leh Bial hruaitu thar te lakluhna Inkhawm chu tunkar Thawhlehni, July 20 khan BCM Biak In, Shalom, Chawngte ‘P’ ah neih a ni.

Inkhawm hi Rev. LH Lalmalsawma, Bialtu Pastor, Chawngte Bial-in a kaihruai a, Upa A. Lalhmunsanga, Bial Secretary-in Bial report tlangpui a pe a.  Rev. R. Lalbiakliana, Associate General Secretary (Service) in Bial thar pahnih – Chawngte East Pastor Bial leh Chawngte West pastor Bial hawnna leh hruaitu thar hlanna a nei a, Rev. ZD Rodingliana, Director, Christian Education Department-in thuchah sawiin, Rev. Vanlalkima, Bialtu pastor  Chawngte ‘W’ Pastor Bial-in Malsawm thawngtaiin Inkhawm a khar a ni.

Chawngte Bial ni thin chu Bial hnih-ah then-in Chawngte West Bial leh Chawngte East pastor Bial-ah te siam a ni a ni ta a, Bial hruaitute pawh inthlang tha-in Bial chhung Kohhran te pawh Bial Hnih-ah hian then fel nghal an ni bawk. Hetiang hi Bial thar pahnih dinhmun a ni.

Chawngte West pastor Bial-ah hian Kohhran pali – New Salem, Chawngte P (Member 323), Horeb, Chawngte P (Member 234), Saizawh West (Member 268) leh Chawngte ‘C’ (Member 82) te an awm a. Member zawng zawng hi 907 niin, Bialtu pastor Rev. Vanlalkima niin New Salem, Chawngte ‘P’ chu Bialtu Pastor thuthmun a ni ang. Bial puipa atan hengte hi ruat an ni:-

Bialtu Pastor : Rev. Vanlalkima,
Chairman : Upa M. Lallura, BCM New Salem
Chaiman Elect : Upa K. Rotlinga, Bethel, Saizawh W
Secretary : Upa C. Ngurlianngaia, New Salem
Asst Secretary : Upa V. Rangdothanga, Horeb
Treasurer : Upa Lalramsanga, Bethel Saizawh W
Asst. Treasurer : Upa J. Nem Sange, Chawngte C

Chawngte East pastor Bial-ah pawh Kohhran pali tho awmin – Shalom, Chawngte P (Member 551), Mualbu ‘L’  (Member 270), Gosen, New Hmunlai (Member 181) leh Hmunlai (Member 155) te an awm a. Member zawng zawng hi 1157 niin, Bialtu pastor Rev. LH Lalmalsawma niin Shalom, Chawngte ‘P’ chu Bialtu Pastor thuthmun a ni ang. Bial puipa te chu hegnte hi an ni:-

Bialtu Pastor : Rev. LH Lalmalsawma
Chairman : Upa C. Lalhmunmawia, Shalom
Chaiman Elect : Upa  Chuanpuia, Goshen, New Hmunlai
Secretary : Upa A. Lalhmunsanga, BCM Shalom
Asst Secretary : Upa HC Ruala, Mualbu L
Treasurer : Upa C. Neihduhzuama, Shalom
Asst. Treasurer : Upa Hminglian, Hmunlai

Heti hian Mizoram Baptist Kohhran ah Pastor Bial 91 an awm ta a, Tualchhung Kohhran 666 awmin, Chhungkaw 36,904-ah Member 172,219 an awm a ni.