Chemo Treatment Room hawng ta

Christian Hospital, Serkawna Chemo treatment room chu February 10, 2018 (Inrinni chawhnu dar 1:00) khan  Pu Zodintluanga Hon’ble minister, UD & PA chuan a hawng.

 

Hawnna inkhawm hi Upa Dr. B. Laldinliana, Medical Superintendent, Christian Hospital, Serkawn-in a kaihruai a,  Rev R Zohmingliana AGS i/c Service in Pathian hnena hlanin, Rev.H. Lianngaia President BCM in BCM aiawh thu a sawi bawk. Lunglei DC Pi Lalzarmawii leh Sawrkar leh Medical lam hotute leh BCM hruaitute leh pensioners ten he hun hi an hmanpui bawk.

He Chemo treatment room  buatsaihna atan hian UD&PA dept NEDP fund atangin Rs. 12,30,000.00 hmuh a ni.  Aizawla chemo la tura kal lova heta lak theihna hmunhma tha kan nei thei hi a lawmawm hle a. Amaherawhchu, anmahni enkawltu oncologist (cancer specialist) te phalna leh prescription ang thlap chauh a enkawl theih a ni ang.

Tarlan tawh ang khan Cancer natna veite enkawlna Chemo Treatment Room hi AC room niin khum 3 a awm a, bath room attached niin cardiac monitors leh Syringe pump te nen thuam a ni. Nurse duty-na tur te pawh ruahman tel nghal niin TV dah a ni bawk.  He Chemo Treatment room sak nan hian UD & PA hnuaia NEDP atangin fund hmuh a ni.

Christian Hospital, Serkawn-a hetiang damlote enkawlna tur changtlung leh tha tak kan nei thei hi Pathiann malsawmna niin damlo te tan a tangkai hle dawn a ni.

Posted in BCM News.

admin