Chhipphir Bial chhunga Kohhran pathumin Pathian an chawimawi

Chhipphir Khua

Tunlai hian BCM Chhipphir pastor bial huam chhung ah Pathian hnathawh avangin kohhran ho te an hlim hle a, bial chhung kohhran pathum BCM Zote South, BCM Bualpui ‘V’ leh BCM Chhipphir ah te Pathian Chawimawina hun an hmang mek a ni.

#BCM Zote South chuan February 21-23 chhung hian Pathian chawimawina hun an nei mek a, Bialtu Pastor Rev. David Lalmalsawma Sailo in thuchah a sawiin Inkhawm banah Pathian faka zaikhawma neih thin a ni bawk. Pathianni zan thleng he Chawimawi progamme hi an hmang dawn a ni.

BCM  Zote South Tualchhung Kohhran Secretary fa

nu kum khat leh a chanve bawr vel zeng, nâ pawh hre lo leh che thei tawh lo chu January ni 11 2020  Missionary Day ah khan damna a chang a. Chumi avanga lawmthusawina leh Pathian Chawimawina hi an chhungkua bultumin Kohhran hote nen an hmang a ni.

#BCM Bualpui ‘V’ chuan February 21 (Zirtawpni) hian  Kohhran pum huap Bethel ṭawngṭai neiin,  Inrinni hian awmni khamin Pathian an chawimawi leh nghal ang, Pathianni zan thleng Crusade programme-a hun hi hman  chhunzawm a ni ang. He Chawimawina leh Crusade –ah hian Thenzawl Pastor Bial aṭanga Chhipphir Bial hmuitu Bialtu Pastor Rev. David Lalmalsawma Sailo chu Speaker niin inkhawm apiangin thuchah a sawi ang.

#BCM Chhipphir pawhin February 21 (Zirtawp ni) vek hian Ṭawngṭai Bethel neiin, Kohhran dang zawng zawng sawmin hun an hmang a, Inrinni February ni 22 hian nilenga awmni khamin Pathian chawimawiin Inkhawm leh zaikhawm programme an siam bawk. Chhipphir Kohhran hi an hlim hle a, kuminah hian vawi 5 Pathian chawimawiin awmni an kham tawh a, tun tum hi a vawi rukna niin Inrinni hmasa khan Pathian chawimawiin awmni an lo kham tawh bawk a ni.