CHL tan Eco Van Ambulance lei sak dawn

February 23, 2019 khan Jh.Lorrain Hall, Lawngtlai Bazar-ah Lawngtlai Area Thalai Kristian Pawl, Co-ordination Committee neih a ni a. He meeting ah hian Christian Hospital Lawngtlai a hman tur Eco Van Ambulance lei nise an ti.

Lawngtlai Area TKP Co-ordination committee hian Kum 2016 khan MTKP Inkhawmpui Vawi 46 na chu an thleng a. He Inkhawmpui a sum hman bang atangin MTKP Inkhawmpui 2016 hriatrengna atan Chistian Hospital Lawngtlai a hman tur Eco Van Ambulance chu lei nise an ti a. He Ambulance hi March thla chhung ngeiin Christian Hospital Lawngtlai a hlanna hun hman nise an ti bawk.

Lawngtlai Area TKP hian MTKP Inkhawmpui loh kum ah Area TKP meet chu Dt 21-23 Feb, 2020 hian BCM Biak In, Lawngtlai Electric Veng ah hman nise an ti bawk ani.

Lawngtlai Area TKP Co-ordination committee hian Lawngtlai khawpui chhunga Unit TKP te nen tangkawpin Blood Donation calendar te siamin kum tin Lawngtlai District Blood Bank a hman tur thisen an pe bawk thin a ni.

– Elvist Zuala

Posted in BCM News.

admin