Christian Hospital Centenary Celebration Sub-Committee an thukhawm.

Tunkar Thawhtanni, April 25, 2022 khan  AGS Service Room-ah Christian Hospital Centenary Celebration Sub-Committee Meeting neih a ni a. He Meeting hi Rev. R. Lalnunzira, AGS – Srervice-in a kaihruai a. Secretary Upa Dr. Lalramzaua, Director, Medical & Health Department in Report tlangpui a pe bawk.

Meeting-ah hian Assembly-in Christian Hospital Centenary lawmna tur atana cheng nuai 50 appeal siama hman a phal sak chu sum hman dan tur ruahmanna an siam a. He ruahmanna hi Assembly Executive Committee-ah pawmpui turin thlen chhoh leh a ni ang.

Ruahmanna tlangpuiah chuan Christian Hospital Centenary lawmna atan hian Thla 1 emaw, thla hnih emaw chhung Christian Hospital, Serkawn-a dam lo in entir tur te chu a thlawn a en nan te, Medical Free Clinic buatsaih nan te,  Hospital Compound chei mawi leh siam that nan te, Thawktu Quarters chei that na atan te ruahman a ni.

Christian Hospital Serkawn kum 100 tlin lawmna hi February 2023 ah neih tum a ni a, hemi atan hian kawng hrang hranga inbuatsaihna neiin, tunah hian Hospital Centenary Building cheng nuai 530 senna tur pawh sak chhoh mek a ni a, he Building hi OPD tih changtlunna tur te, Khawl hrang hrang dahna tur leh Hospital zauhna atan hman a ni ang.

Christian Hospital Serkawn