Christian Hospital Doctor thar:

Dr. Jonathan Lalrempuia

Dr. Jonathan Lalrempuia chuan BCM sponsored-in CMC Vellore-ah MBBS tha taka a zawh hnuin 10th November 10, 2018 khan Christian Hospital Serkawna thawk turin hna a rawn zawm ta. Dr. Jonathan Lalrempuia hi Upa. Lalfakzuala Khiangte, BCM Ramhlun ‘N’ fapa a ni. A bond Year period a zawh hnu-a thawk zui tura lak ngheh nghal a ni. BCM leh Hospital tan Pathian malsawmna kan hmu leh ta a, a lawmawm hle.

Christian Hospital, Serkawn leh Lawngtlai hian hma sawn ve zelin Doctor indaihlohna pawh zawi zawiin a ziaawm chho ve hret hret a, tunah hian Medical Officer pangngai te bakah Surgical specialist 1, Gynae specialist 2 leh Family Medicine 1 te an awm a, MD (Microbiology) zirin Dr.HS Lalchungnunga) a thang mek bawk.

Laser hmanga kal(kidney)-a lung awm chhut dipna(dusting-na)

Kumin October thla atang khan Mizorama a hmasa ber ni turin ChristianHospital Serkawn-ah Retrograde Intra Renal Surgery(RIRS) tih tan a ni ta a. RIRS hi Laser hmanga kal(kidney)-a lung awm chhut dipna(dusting-na) a ni. Kal (Kidney)-a lung awm treatment chi hrang hrang a awm a, Laser hmanga chhut dip hi treatment modality tunlai ber pakhat a niin, Mizoramah a nei awm chhun an ni rih a ni.

Posted in BCM News.

admin