Christian Hospital Report.

Medical Superintendent, Christian Hospital Serkawn hnen atanga thu kan dawn angin Christian Hospital Serkawn-ah April 2021 chhung khan OPD-ah mi 1272 inentir awmin an zinga 235 admit an ni a, nau piang 47 awmin, mitthi 9 an nei thung. Report kimchang hetiang hi a ni.

April 2021 chhungin Hospital Patient Fund-ah cheng nuai 15, sang khat leh 917 hmuh a ni a, hengte hi Hospital Sunday thawhlawm leh mi thahnemngai te, pawl leh Kohhrante thilpek tling khawm a ni.

Poor Patient Fund bakah hian Hospital tanpui nan BCM Thingfal Pastor bial chun cheng sing 2 an dawng bawk a, TKP Thingsai Bial, BMMD, Tuichawng bial, BKHP Serte Bial leh TKP Zawlpui Bial atang te-in hmunphiah leh hmawlhte suih thahnem tak an dawng bawk.

April thla chhung khan TKP Hnahthial North Bial ten thisen unit 55 leh TKP Chanmari Vengthlang Unit, Lunglei ten thisen Unit 24, avaiin unit 79 an dawng bawk.

Hospital Chaplain thar Rev. C. Lalrochama chuan April 19, 2021 khan Rev. R. Lalnghakliana hnen atangin Chaplain charge a la ve ta bawk.

May 1-15 chhungin Christian Hospital Lawngtlai-ah damlo 102 in entir atangin mi 24 an admit a, nau piang 2 an neih laiin, vanneih thlak takin mitthi an nei lo thung a ni.