Christian Hospital Report.

Medical Superintendent, Christian Hospital Serkawn hnen atanga thu kan dawn angin Christian Hospital Serkawn-ah May 2021 chhung khan OPD-ah mi 976 inentir awmin an zinga 202 admit an ni a, nau piang 43 awmin, mitthi 9 an nei thung. Report hun chhung hian zaipui (Major Operatio) mi 52 neiin zai tenau (minor operation) mi 48 an nei a, Endoscope hmangin mi 21 enin mi 131 X-Ray an ni a, Laboratory-a exam zawng zawng zat chu mi 917 an ni.

May 2021 chhungin Hospital Patient Fund-ah cheng nuai 29,000/- hmuh a ni a, Poor Patient Fund bakah hian Upa LH Rosanga Tlangnuam Aizawl chuan Operating Theter siam na  cheng nuai 4 zet a pe bawk. TKP Thingsai Bial, BMMD, Tuichawng bial, BKHP Serte Bial leh TKP Zawlpui Bial atang te-in hmunphiah leh hmawlhte suih thahnem tak an dawng bawk.

May thla chhung khan TKP Electric Veng Unit  ten thisen unit 17 leh TKP Lunglawn Unit, Lunglei Unit 41 pe-in, avaiin thisen unit 58 an dawng a, BKHP Dengsur Unit leh PC Pianglawma te chhungkua, Lungsen S te hnen atangin hmawlhte suih thahnem tak an dawng bawk.

Christian Hospital Serkawn hi RAgT test na hmun ni tura Sorkara dil leh permission pawh hmuh a nih angina, May 8 atang khan RAGT test kalpui a ni ve ta a, May 2021 chhungin mi 637 test tawh an ni a, chung atang chuan positive pali hmuh an ni.