Christian Hospital Report – June, 2021

Upa Dr. Lalramzauva, Director, Medical & Health Department hnen atanga report kan dawn danin June 2021 chhungin Christian Hospital-ah damlo 1136 in entirin, an zinga 186 admit an ni a, nau piang 52 awmin mitthi 3 an nei bawk.  Report kimchang hetiang hi a ni:

June thla chhung khan Hospital Poor Patient Fund-ah cheng 53,800/- hmuh a nih bakah Pu R. Malsawma, Mualthuam ‘N’ hnen atangin Hmawlhte suih thahnem tak, BKHP Electric Pastor Bial, Lunglei hnen atangin Naupuan 172, Dr. Vanlaltanpuia, Bialtu MLA hnen atangin RAgT Test Kit 50 leh CP Enterprize Venglai hnen atangin Fog Machine tha tak an dawng bawk.

Blood Bank lamah TKP Salem, Lunglei hnen atangin thisen Unit 28 leh YMA Serkawn Branch hnen atangin Thisen Unit 22, a vaiin Unit 50 an dawng a. Tin, June 17 khan Cure International India Trust (CIIT) New Delhi atangin Christian Hospital, Serkawn-a hman tur Oxygen khawl panga an dawng bawk.

Thilpek hrang hrang petu, Pawl leh mimal tlawmngaite chungah Upa Dr. Lalramzauva, Director Medical & Health Dept. chuan BCM leh Hospital aiawhin lawmthu a sawi a ni.