Christian Hospital Serkawn-ah Thawktute leh zirlaiten Intuaitharna (Retreat) an nei

Christian Hospital Serkawn chuan Rev. K. Lalbiakenga, MTKP Secretary Speaker-a hmangin tunkar Thawhlehni, November 23-26 khan   Thawktu te leh zirlai te pualin Intuaitharna (Retreat) an nei a,  Thupui atan Isaia 60:1 thu,  “Tho la êng rawh” tih chu hman a ni.

Christian Hospital, Serkawn-a thawktute hi Duty pawimawh tak tak nei an nih avangin, ruahmanna fel tak siamin thawktute chu hlawm 4-ah inthenin ni khatah hlawm khat zelin Retreat hi an zawm a, Damdawiin inenkawlna leh duty ti buai lovin ni li chhung tluang tak leh hlawk takin Retreat hi an nei thei a ni.

Tun dinhmunah Christian Hospital Serkawn-ah hian thawktu 160 chuang leh Nurse Training lai 60 te nen an vaiin mi 200 chuang zet an awm mek a ni.