Christian Hospital Serkawn tan India Formosa Foundation ten Thilpek an pe.

Vawiin, September 24 khan India Formosa Foundation ten Christian Hospital Serkawn atan thilpek chi hrang hrang Ventilator -1, Washable Aapron- 100, N95 face mask-200, Face Shield-400, Glove Р200 leh PPE Set Р200  an pe a.

Thilpek hlanna inkhawm Tawi hi Baptist Centre, Chanmari, Aizawl ah neih a ni a, Rev. JC Vanlalluaia, Chairman, Area Development Committee, Aizawl in hun bul tanna nei in, tawngtaina hun a hmang a, India Formosa Foundation Chairman Pu Jonathan Lalremruata’n thilpek pek a nih chhan te a sawi hnu in, BCM President Rev.Dr. V. Laldingliana hnen ah a hlan. He hun ah hian Aizawl ES Staff te bak ah, Rev. Hrangaia Hmar, Bialtu Pastor, Aizawl East leh Upa Dr. KL Remsanga te an tel a ni.

Rev.Dr. V. Laldingliana chuan India Formosa India ten Christian Hospital Serkawn atana mamawh em em vek thilpek chi hrang hrang an pe chu lawmawm a tih thu leh, heng thilpek te hian Christian Hospital tan nasa taka awmzia a neih tur thu a sawi a ni.

India Formosa Foundation ten an thilpek zawng zawng hlutna hi cheng nuai thum chuang zet a ni.