Christian Hospital Serkawnah Generator thar

Christian Hospital Serkawnah Diesel Generator thar Kirloskar Genset 125 KVA leh truck 407 neih thar niin, nimin July 4, 2018 khan Rev R Zohmingliana, AGS i/c Service, BCM in Pathian hnena lawmthu sawina leh hlanna a nei. He Diesel Generator hi 3 phase niin current awm loh lai pawhin Hospital khawl lian: X Ray machine, Autoclave leh Puansukna khawl te pawh chawm zo vek tur a ni.

Tunah hian Generator 25 KVA hman mek chu awm tho mahse, hei hi single phase a nih avangin khing tarlan khawlte hi a chawm thei lo thin a, chuvangin, Generator khawl lian zawk three phase hi lei thar a ni. Tun dinhmunah Christian Hospital Serkawn hian heng Generator pahnih bakah hian UPS online 10KVA pahnih a nei mek a, heng UPS hian khawl pawimawh bik leh sensitive bik zual a chawm thung a ni.

Generator lian hlanna hunah hian 407 thar chu hlan tel a ni a. He Motor thar hi OT, ICU, Dialysis leh E ward lamahte oxygen mamawhna a san tak em avangin Oxygen Aizawl atanga lak nan lei thar a ni bawk. “Hengte khawl thar leh motor thar te hi Pathian zara kan neih niin Pathian ropuina tur leh damlo te tan malsawmna ni ngei se tih kan tawngtaina a ni” tiin  Upa Dr.B.Laldinliana, Med Supdt, CHS chuan a sawi.

Posted in BCM News.

admin