CMC Vellore Emergency Council Meeting-ah kal

Christian Medical College, Vellore, Emergency Council Meeting vawiin, August 10, 2017-a neih mekah BCM aiawhin Upa Dr. B. Laldinlliana, Medical Superintendent, Christian Hospital Serkawn chu August 8, 2017-(Thawhlehni)-a Medical Committee neihzawh veleh hmanhmawh takin Vellore panin a kal nghal a, Meeting zawh veleh a lo thlawk haw leh nghal ang.

Upa Dr B. Laldinliana,

Medical Council of India leh Ministry of Health chuan MBBS leh Post Graduate seat zawng zawng hi NEET kaltlang vek a tih a, Counseling/interview pawh Central/Govt atanga tih vek turin a ti a. Hetiang anih chuan CMC Vellore Christian te tana seat hauh kha a theih dawn tawh lova, kohhran tan pawh awmzia a awm dawn tawh lo a ni. NEET a titha tha kha an lut mai dawn a, CMC Vellore enkawltu Kohhran hrang hrang inzawmkhawm te pawhin thuneihna a nei dawn tawh lo va, Kohhran atanga sponsor tur Doctor zir tura quota a neih thin pawh a theih tawh dawn lo a ni.

CMC Vellore hi tunah India ram Medical College tha ber pahnihna hauh mek a ni a, Private College-ah phei chuan India leh Asia a Medical College tha ber a ni a. Chuvangin Christiante tan reservation a awm dawn loh chuan North East lampang mi tan phei chuan a beisei phak tawh dawn loh viau a ni. He college hi Sawrkar hian an it hle a, neih theih dan an ngaihtuah ni berin a alang. A chhan chu AIIMS te PGI chandigarh te leh JIPMER te chu an mahni a admissions tih a phalsak lawi bawk si a. Tichuan CMC Vellore hi a lak chuan Christian Institution tha tak tak dang pawh hi an la hma zel dawnin a lang. Chuvangin CMC Vellore survival leh Christian Institution dang survival atan hian kan tawngtai a ngai hle a ni.

Hemi chungchang thu-ah hian Supreme Court thu nghah a ni a, Supreme Court-a hemi ngaihtuahtu bench pawh hian CMC hi a duhsak hmel loh a, chuvangin hotute rilru a hah hle a, Hindu students zirtir chhuah teuh dawn chuan CMC dinchhan a awm dawn loin an hre bawk si a, chuvangin he Meeting pawh hi ngaihdan lak dan tura inrawnkhawmna a ni ber a, Council member te ngaihdan hriat an duh a ni.

 

Posted in BCM News.

Leave a Reply

Your email address will not be published. Required fields are marked *