Commitee pawimawh nei chho leh mek

Mizoram Baptist Kohhran hnuaia Assembly Committee lian pathum, Mission, Service leh Central Committee meeting te November thlaa an neih zawh fel hnuah, tunkar chho hian Assembly Committee pawimawh tak tak pathum – Pay Commission 2018 te, Nomination Committee leh Finance Committee meeting te neih chhoh leh a ni a, Pay Commission leh Nomination Committee chu tluang takin an zo fel a, nimin leh vawiin (Dec 6&7) hian Finance Committee Meeting neih leh mek a ni.

BCM Finance Committee Meeting

BCM Pay Commission 2018, December 4,2018 a thukhawm chuan Kum 2018 Assembly-in tih tur a lo pek, BCm hnuaia thawktute hlawh leh dinhmun te en tha-in Recruitment Rules a khawih theih te nen a en a. Ruahmanna hrang hrang  bawhzui dan te thlir hovin heng an thurel te hi Finance Committee leh Assembly Executive Committee January 2019-ah te report a ni ang a, Assembly 2019-ah pawmpui tura thlen chhoh leh a ni ang.

December 5, 2018-a Assembly Nomination Committee Meeting chuan kum 2019-a BCM Assembly Venglai, Lunglei-a neih tur chungchang te thlirin Assembly programme awm dan tur te a duang chhuak a, Kum 2019 Assembly thupui atan “Isua’n ro a rel”¬†tih chu thlangin thupui thensawm te, thusawitu leh hunchangtu ruat leh Programme detail te lo siam turin Assembly puipate kutah a dah a ni.

Finance Committee Meeting nimin leh vawiin (December 6&7) a neih mek chuan kum 2019-2020 a BCM Budget te a thlir a, Department hrang hrang Budget ruahman te leh Planning te a thlirin Hna ruak hnawhkhah dilna leh Post thar hawn dilna te bakah Department hrang hrang atanga Budget reappropreation dilna te a ngaihtuah bawk.

Posted in BCM News.

admin

Leave a Reply