Committee lian pathum zo fel

Mizoram Baptist Kohhran, Assembly Committee lian pathum – Mission, Service  leh Central Committee te chu August 21 -23, 2019 chhung khan Sap Upa leh Pu Buanga Hall, Serkawn-ah Meeting an nei a, August 21 (Nilaini) khan Mission Committee Meeting neiin, nimin, August 22 khan Service Committee leh Vawiin August 23 ah Central Committee an thu khawm leh a ni. Heng Meetingah hian BCM President Rev. PC Liandula’n kaihruaiin  secretary te bakah Department Head ten report tlangpui an pe bawk.

Mission Committee Meeting chuan Pu Lalthlanawma, Evangelist, Arunachal  East Field chu Serh leh sang khawih theihna pek ni se, Assembly Executive-ah thlen chhoh ni se an ti a, BCM MissionFields-a Mission Compound te enkawl dan mumal zawk a awm theih na tura ruahmanna Mission Board-in a siam chu thlir hovin siam that ngai te siam tha-in January Executive Committee-ah thlen chhoh ni se an ti bawk.  Nimin leh vawiina neih – Service Committee Meeting leh Central Committee Meeting pawh tluang takin an zo thei a, Tun tum Meeting-ah hian Heng Committee lian pathum te hian Annual Working Plant achievement report leh Department head te report atangin sawihona leh hmasawnna tur in kawhhmuhna te neih a ni bawk. Service leh Central Committee-ah hian ABC aiawh leh Assembly aiawh bakah Ex-officio member  te nen member 40 an awm a, Mission Committee-ah hian Pastor Bial aiawh an tel avangin member 100 zat an awm thung a ni.

General Secretary, Rev. F. Ramdinmawia’n Central Committee-a report a pek danin Assembly 2019-in a rel Pay Commission ruahmanna anga BCM thawktu te pay sianm a nih tawh thu te, Planning Commission 2020-in hma a lak tawh dan te, Kristian te ni pawimawh Good Friday leh Christmas bawhbuai zawnga Sorkar hmalakna awm thin te ti tawp tura hma lak dan te leh Kolkata-a BCM building lei tum mek thu leh September thla ral hmaa lei fel theih a beisei thu te ngaihthalk a ni. AGS i/c Mission Rev. Dr. C. Vanlaldika’n Mission Committee report-a a tarlan danin kumin January – July chhung khan Mission Field hrang hrangah ringthar 1863 neiin Kohhran thar 13 an phun tawh a, kiminah Missionary paruk tirh chhuah tawh a ni bawk.