Communications Department Committee Meeting Neih a ni.

Nimin, Zirtawpni, November 4, 2021, Zirtawpni khan Sap Upa leh Pu Buanga Hall ah Communications Department Committee Meeting neih a ni a, Meeting hi President Rev. V. Laldingliana’n a kaihruai, Department Director, Rev. Dr. Lalzarliana hnen atangin Report ngaihthlak a ni.

Director report-in a tarlan zingah Anchor lak thar mi pathum ten an hna an zawm fe tawh thu a tarlang a.  Meeting chuan 2022-2023 atana Annual Plan leh Budget ruahman te thlirin Committee sang zawka thlen chhoh turin an dah a, Mizorama Chanchintha Thlen Dan Documentary Film buatsaih bawhzui mek chu Covid-19 hrileng avanga harsatna te thlir chungin a theih ang angin hma lak chhunzawm zel ni se, hemi puala Budget ruahman cheng nuai 15 pawh Finance Department Committee-ah la hum zel tura ngen nise tiin an dah a, TV Channel, Khawnvar darkar 24 atana hma chhawp kal mek chu kum thar lamah chak zawka hma lak tum ni se, Finance Department Committee-ah sum mamawh pawh dil nise tih te, thawktu indaihlohna avanga Assembly in Production Assistant 2 lak phalsak tawh sa, sum indaihlohna avanga lak theih rihloh chu bawhzui zel ni se a ti bawk.