Communications Department Lawngtlai-ah Meeting an nei

Tunkar Thawhlehni, March 30, 2021 khan Baptist House, Lawngtlai-ah BCM Communications Department hruaitute leh Lawngtlai Area Media Committee hruaitute’n joint meeting an nei.

Meeting-ah hian Headquarters atangin AGS Service Rev. R. Lalbiakliana, Rev. Dr. Lalzarliana, Communications Dept. Director, Rev. R. Thanmawia, Editor, Kohhran Beng leh C. Lalhmachhuna –A/V Manager te telin Lawngtlai atangin Rev. R. Lalnunzira, Executive Secretary leh Lawngtlai Area Media Committee Office Bearers te an tel a, meeting tha takin an nei thei a ni.

Communications Department, Audio Visual Production in a enkawl TV Programme tihchangtlun zelna tur atan Lawngtlai-ah Mini-Studio buatsaih mek a ni a, he meeting ah hian Lawngtlai Area atanga TV programme tam zawk buatsaih a nih theih dan tur leh Media kaltlanga rawngbawlna changtlung zawk neih a nih zel dan tur te ngaihtuah ho a ni.