Council of Serampore College Meeting-ah General Secretary leh AGS (Mission) te an tel

Tunkar Nilaini leh Ni ngani, November 17 & 18 khan Serampore College Rorelna Sang, Council of Serampore College Meeting, Serampore, Kolkata-ah neih a ni a. Mizoram Baptist Kohhran aiawhin General Secretary, Rev. F. Ramdinmawia leh Council member Rev. Dr. C. Vanlaldika, AGS (Mission) te chu he Meeting ah hian an tel. Council Meeting an neih zawh-ah November 19 hian Kolkata Region hnuaia Field Director’s Training an hmanpui leh nghal a ni.

Member 17 awmna, Council of Serampore College hi Senate of Serampore leh College chungchanga Committee pawimawh leh thuneitu sang ber a ni a, Serampore College thawhpui Kohhran hrang hrang atangin council member an ruat thin a, BCM pawh member pakhat niin BCM General Secretary apiang chu Serampore Council member an ni nghal thin a ni.

General Secretary bakah hian Council of Serampore  College Meeting March 23-25, 2021 – a neih chuan Rev. Dr. C. Vanlaldika, Associate General Secretary, Mission chu Council member atan a ruat ve leh a,  a ni hi kum nga chhung (2021-2026) atan Council Member a ni ang.