Covid-19 avangin kan Missionary leh Pastor Rev. Lalhmingchhuanga Zongte kan chan ta.

Rev. Lalhmingchhuanga Zongte, Missionary (Field Director) North India Mission, New Delhi chu May 29, 2021 (Inrinni) zing dar 4:00 khan, Indian Spinal Injuries Centre, Vasan Kunj, New Delhi ah Covid-19 avangin a boral.

Rev. Lalhmingchhuanga Zongte hi April ni 26 khan Covid-19 a positive tih hriat chhuah a nih rualin, CT Scan tih nghal a ni a, Pneumonia hmuh tel a nih avangin Hospital (Indian Spinal Injuries Centre) ah Admit a ni a. Hospital-a a awm hnu hian that lam ai in zual lam a pan zel a, May 13 khan ICU ah dah a ni a. Kohhran ho te pawh in thahnemngai takin Rev. Lalhmingchhuanga tan hian kan tawngtai a, beisei awm te pawh in a rawn awm ve leh deuh thin a. Kohhran hoten, a dam hun nghakhlel taka tawngtaina nena kan thlir reng lai in, May 29 ( ICU a awm atanga a ni 16-na),  zing dar 3:30 vel khan Cardiac Arrest rawn nei thut in, dar 4:00 khan a boral ta a ni.

A ruang hi May 31, thawhtan ah Delhi atangin a nupui fanau ten nen Silchar rawn phurh thlen a ni ang a, hemi ni vek hian Aizawl ah rawn phurh chhoh a ni ang a, BCM Biak In, Shalome, Mission Vengthlang-ah Vuina Inkhawm neih nghal a ni ang.

Rev. Lalhmingchhuanga Zongte hi kum 2000 khan Pastor atana lak a ni a, Lengpui Pastor Bial leh Saitual Pastor Bial (Seling) ah te Pro.Pastor-a a awm hnu-in BCM Assembly 2004, Ramhlun North, Aizawl-a neihah Ordain a ni a, Ordain a nih hnu hian Pastor Bial pahnih Lunglawn leh S.Vanlaiphai Bial ah te awm in, 2006 khan UTC Bangalore ah M.Th a zir leh a, MTh a zir zawh hian AICS-ah Lecturer in kum 5 a awm leh hnu ah 2013 khan FFRC Kerala ah DTh zir in a kal leh a, 2016 ah tuna a awmna New Delhi ah hian North India Mission Director in a awm leh a ni.

Rev. Lalhmingchhuanga Zongte hian a nupui leh a fa te 3 a kalsan a ni.

Rev. Lalhmingchhunga vuina programme hi BCM Youtube Channel leh LPS leh Zonet Cable TV-ah te Live-a pek chhuah a ni ang.

Rev. Lalhmingchhunaga Zongte  Chanchin kimchang