COVID-19 pualin KNP te an tawngtai leh dawn

Mizoram Baptist Kohhran. Kristian Naupang Pawl (KNP) te chuan tunlaia khawvel-in a buaipui em em, Coronavirus (Covid-19) hri leng mek pualin  June 14 leh ni 21, 2020 (Pathianni) chawhnu dar 2:00 hian mahni awmhmun theuhah a ruala tawngtai programme an siam.

Bial leh Tualchhung Kohhran hrang hrang a KNP hruaituten he Tawngtai hun hi ngaipawimawh a, Naupang te hnenah a theih ang ang a puangzar turin KNP Promoter Pi PS Lalhmingthangi chuan Social media kaltlangin ngenna a siam.

Tun tumah hian Tawngtai thupuit 8 siam a ni a, mahniin tul leh tha an tih te thawhbelh theih a ni bawk:

Tawngtai thupui:

  1. KNP Member leh Hruaitu zawng zawngte tan.
  2. Covid-19 hrileng vanga damlohna, sum leh pai, ei leh bar lama harsatna tawkte tan.
  3. Covid-19 dona kawnga thawktute mimal, pawl leh Medical Staff-te tan.
  4. Covid-19 Damdawi (Vaccine) an hmuhchhuah thuai theih nan.
  5. Covid-19 veitu, an chhungte leh enkawl mekte tan.
  6. Quarantine Centre a awm Sample Test mek ten pathian hminga Result tha tak an neih ngei theih nan.
  7. He hri leng mek hian Pathian min hnaih tir deuh deuh theih nan.
  8. Covid-19 hrileng mek avanga chhungkaw kehchhe tawh ten chhungkaw thar an din leh ngei theih nan leh Mizoramah Covid-19 vei dang an awm tawh loh nan

KNP te hian Covid-19 puala tawntgtgaina hia tum 4 lai an lo nei tawh a, April 2 leh 5-ah te, Good Friday leh Easter Sunday-ah te ram pum huapin tawngtaina hi an lo nei tawh a ni.