Covid Hospital din turin hma lak mek a ni.

Mizoram Baptist Kohhran, Administrative Committee chuan Mizoramah Covid hrileng a hluar zel avang leh hemi atana enkawlna Covid Care Centre te indaihlohna a san chhoh zel avangin Mipuite harsatna leh manganna te chhawk zangkhai a nih theih nan Covid Hospital din thuai ni se tiin a rel.

Hemi chungchanga tul ang zel a ruahmanna te siam tur leh hma lo la  turin Sub. Committee  din nghalin, Chairmana-ah Rev. R. Lalbiakliana, AGS(Service), Secretary-ah Upa Dr. Lalramzauva, Director, Medical & Health Department te ruat an ni a. Sub.Committee Member dang pali atan –
Rev. F. Ramdinmawia, General Secretary,
Rev. Dr. C. Vanlaldika, AGS (Mission),
Er. Victor Lalrinawma Sailo, Director, Property Department leh
Dr. B. Lalrinzauvi, Medical Superintendent
te ruat an ni bawk.

He ruahmanna hi tuna kan damdawiin neih mek, Kristian Hospital, Serkawn behchhana, khawimaw lai hmunhma kan neih sa remchang dap a buatsaih tura hma lak mek a ni a. Hospital thar diai ang tura hmalakna erawh a ni lo ve.