Damdep-II Kohhran-in kum 50-na (Golden Jubilee) an lawm 

Tunkar Thawhlehni, November 16, 2021  khan Mizoram Baptist Kohhran,  Damdep-II chuan an kohhran din kum 50 na (Golden Jubilee)  chu “Min Hruaitu Lalpa” tih thupui-a hmangin ropui takin an lawm.

Golden Jubilee-ah hian Rev. T.Lalniropuia, bialtu pastor Speaker atan hman a ni a, Golden Jubilee lungphun hawngin, zing lam leh zan lamah te Jubilee lawmna Inkhawm neiin thuchah a sawi a, Chhun lamah fellowship hlimawm tak neih a ni bawk. Jubille lawmna hi Khawtlang huapin buatsaih a ni a, kohhran dang zawng zawngte pawh sawmin hlim takin hun an hmang a, tlai lamah Jubilee ruai an kilho bawk.

Damdep-II hi Lawngtlai District, chhim thlang lam, Parva khua thlen hma a awm a ni a, November 16, 1971 ah Upa D. Zawlchhuna hovi’n Baptist Kohhran hi dinin, Pastor Bial hrang hrang – Parva bial, Vaseitlang bial leh Nghalimlui bial ah te a lo awm tawh thin a, kum 2009 ah Damdep Pastor bial a lo din khan Damdep Bialah awm-in, Pastor thut hmun a ni zui ta a ni.

Tunah hian Kohhran chhungkua 51 awmin Kohhran member 253, Kohhran Upa 7 leh Rawngbawltu 6 an awm mek a ni.