December 18 atangin kumin atan BCM office khar a ni dawn.

Mizoram Baptist Kohhran hnuaia thawktu Department hrang hrang-a nitin Office kal te chuan December ni 18, 2020 (Zirtawpni) atang hian Krismas leh Kumthar chawlh an hmang tan dawn a, Hemi chhung hian Office te khar a ni ang.

BCM Calendar-a tarlan angin, Kumthar January ni 7, 2021 (Ninganii)ah Office hawng lehin, a tuk, January ni 8, 2021 (Zirtawpni) ah thawktute inhlantharna Programme hman a ni ang.

Kum dangah chuan Inhlantharna Programme hi Hqrs Office leh BCM Institutions leh Department hrang hrang bakah Bialtu Pastor leh Pensioner ten  a huhovin an hmang thin a,  Lawngtlai leh Aizawl a thawktute pawhin Executive Secretary te ruahmanna-in a huhovin hun an lo hmang thin a ni.

Inhlanthar Inkhawm – 2020 (Headquarters Area )

Tun tumah erawh chuan hrileng avangin hetianga punkhawmna hun hi hman theih a ni dawn ta lo va, Department hrang hrang ten anmahni Office theuhah Inhlantharna hi an hmang ang a, Office leh Institution Head te ruahmanna-in tha an tih angin Inhlantharna Programme pawh an siam ang.

Inhlanthar Inkhawm – 2020 : Lawngtlai Area