Department Committee Meeting

Mizoram Baptist Kohhran hnuaia Department Committee hrang hrang te tunlai hian Meeting an nei  tan leh ta a. Heng Committee te hian Kum thar atan Planing duan te thlirin bawhzui dan tur te an rel tlangpui a. August thlaa Central, Mission leh Service Committee lo awm tur leh Assembly Executive Committee Meeting lo awm tur atan inbuatsaihna a ni nghal bawk dawn a ni. Tunhnaia Committee neih te leh an thu rel tlangpui tarlan awm chi lo tarlang ila:-

Communications Department Committee:

Aizawl leh Lawngtlai Area atan Audio Visual lam thawktu(Production Assistant) lak tur Assembly 2019-in a rel chu bawhzui nghal ni se, Directorin hma lo la rawh se an ti a, Audio-Visual lamah chak zawka hmalakna tur leh tichangtlung turin  Planning Commission a thu thlen ni se, tih te Recording Studio hman theih turin chak zawka hma lak ni se,  Assembly 2019 in a passed angin Documentary Film siam theih dan tur leh ruahmanna siam ni se tih te, 24 Hours Channel tihpuitlin dan tur te, chungchang te an rel a ni. Kum 2019-2021 atan Editorial Board member mi pathum atan ruat thar bawk. Chungte chu:-

  • Rbt H. Lalthangliana, Kikawn,
  • Pu V. Lalengmawia, Serkawn
  • Upa H. Zadingiana, Ramzotlang, Serkawn.

 

BCM Publication Board Meeting member thar:

May 16,2019 (Ningani) khan Baptist Literature and Printing(BLP) Committee Meeting, BCM Committee Hall, Serkawnah neih a ni a. He Meeting hian Publication Board member thar atan Upa R. Biakchungnunga, Venglai, Lunglei leh Upa C. Lalhmingmuana, Salem te a ruat belh bawk.

Baptist Literature and Printing(BLP) Committee

May 10,2019 (Ningani) khan Baptist Literature and Printing(BLP) Committee Meeting, BCM Committee Hall, Serkawnah neih a ni a. He Meeting hian Publication Board member thar atan Upa R. Biakchungnunga, Venglai, Lunglei leh Upa C. Lalhmingmuana, Salem te a ruat belh bawk.

Medical & Health Committee Meeting:

May 15,2019 (Nilaini) khan Medical and Health Department Committee Meeting, B.Sanghnuna Confenrence  Hall, Christian Hospital, Serkawnah neih a ni a. Meeting hi rev. R. Lalbiakliana, AGS i/c Service-in kaihruaiin Medical Superintendent Upa Dr. Lalramzaua’n report ytlangpui a pe bawk. Meewting chuan kum 2019 – 2022 chhung atan Christian Hospital Administration lama mawhphur tur hetiang hian an ruat thar:-

Dy. Medical Superintendent CH Serkawn : Dr. B. Lalrinzauvi
Vice Principal, School of Nursing : Pi Hmingthanmawii Pachuau
Asst. Nursing Superintendent, CH Serkawn : Pi C. Lallawmkimi
Asst Nursing Superintendent, CH Lawngtlai : Pi Lalhlimpuii Hrahsel
Warden, School of Nursing Hostel : Pi F.Lalhmachhuani

Committee chuan  Kum 2023 hospital centenary lo thleng tur lawmna leh a denchhen a ro tling project siam ani se, hma lak chhoh thuaini se an ti bawk.

Posted in BCM News.

admin