Diploma in Mission Studies Graduation Service neih a ni.

April 15, 2021 (Ningani) khan AICS atanga Missionary Training (Diploma in Mission Studies) zo mi pasarih (7) te thlahna leh certificate hlanna inkhawm, Graduation Service neih a ni.

Rev. Dr. Vanlalchhawna Khiangte, Principal, AICS in inkhawm a kaihruai in certifcate a hlan nghal a. Dr. Andrew Lalhmangaiha Associate Prof. in faculty aiawhin thlahna thu a sawi a, Pi Lalchhandami’n Training zo te aiawhin thu a sawi bawk. Tun tuma Diploma in Mission Studies zirchhuakte hi Mission dept hnuaia missionary thawk lai vek an ni a.

Hrileng avanga academic session kal lai a la laklawh avang leh June thlaa AICS Valedictory Service pangngai neih hun tura an awm ve hman dawn tawh loh avangin hetiang hian an pual bika graduation service hi buatsaih a ni.

Hrileng avangin midang sawm remlo mahse, AICS faculty, staff leh students te nen he hun hi tluang takin hman a ni.