Pastor Lalzarliana, Bialtu Pastor, Hnahthial South Pastor Bial chuan Doctor of Ministry (D.Min) tha takin a pass ta. Serampore College Convocation December ni 4, 2018 a neih turah he degree hi hlan ani ang.
Rev. Lalzârliana hi December 2, 1963-ah Mâmte khua, Lunglei District-ah a piang a. Upa L.P. Hailinga leh A. Hrângchhuni te fa parukna a ni. Unau 9, mipa 5 leh hmeichhe 4 an ni a, mipa 2 in chatuan ram an pan san tawh. Amah hi ft 5 . 6”-a sâng, pa vantlâng hang lam deuh a ni. Kum 1976-ah Rev.H. Killuaian Thingfâl-ah Baptisma a chantîr. 1984-ah H. Lalremkûngi nen an innei a, fapa pathum an nei.
Lehkha zirna:
1971-1973 – Thingfâl Primary School II.
1974-1976 – Thingfâl Middle School
1977-1978 – Thingfâl High School.
1979-1981 – Sêrchhîp Gov’t High School.
1981-1983 – PUC., Pachhûnga College.
Pathian Thu zira a kal chhuah hmain Saiha-ah Englisah Medium School-ah a thawk phawt a, Mâmpui, Paithar leh Lawngtlai Electrict Vêng Middle School-ah te a thawk hman a ni. Kum 1983-ah a piangthar a, Pathian kohna hre nghâlin Pathian thu zir a dîl a. Headquarters lam pawhin an la fel vek tawh tihin zirna tûr Seat an hmuh sak theih loh avângin a kal nghal mai thei lo va, hei hian nasa takin a rilru a hliam a, hrehawm a ti êm êm a ni.
Pastor nih hmaa Rwngbâwlna a chelhte:
1983-ah Mâmte ‘T’-ah KNP Convener leh unit TKP Vice President a ni. Kum 1984-ah |KP Asst Secretary, Music Committee Secretary leh Sunday School-ah Primary pawl zirtirtu ah te thlan a ni a, hmun dangah hna a thawh tak avangin, a chelh rei hman hlawm ta lo. Kum 1987-ah Paithar Middle School a a thawh laiin Rawngbâwltu atân lâk a ni a, |KP leh KNP-ah hruaitu a ni a, Sunday School zirtîrtu a ni bawk. Hetah hian Pathian kohna a lo ngaihsak tawh loh chu, kohna a dawng nawn leh ta a. Pathian Thuzir a dilna chuan 1987 kuma Kâwlchawa ABC Inkhâwmpui rorêlna kaltlangin, Assembly-ah thlen a ni a. Assembly-in a thlan angin, 1998-ah Pathian Thu zirin a kal ta a ni.
Pathian Thu a zir dân:
1988-1989 – Clark Theo. College, Mokokchung, Nagaland-ah B.Th a zir.
1989-1991 – ETC, Jorhatah B.Th a zir chhunzawm.
1996-1998 – BD Study- Bishop’s College & ETC.
Mokokchung-ah hian, a hriselna-in khaw vawt a ngeih loh avangin ETC-ah a insawn a, Bishops’ College-ah hian Family Quarters a chan theih loh avangin, ETC-ah bawk a insawn leh a ni.
Full time-a Rawngbâwl hna a chelh tawhte:
1991-1994 – Pro.Pastor, Phâwngpui South Bial
1994 – Sêrkâwn Assembly-ah Minsiter atan Rev. Raltawngan a ordain.
1994-1996 – Hauruang Bial
1996-1998 – BD Study, Bishop Col. & ETC.
1998-2004 – Saiha Pastor Bial, Saiha.
2004-2007 – Aizawl West Bial, Zotlâng vêng.
2007 -2018 – Promotional Secretary, TLM.
2018 – Hnahthial ‘S’ Bial
Pro. Pastor hna a tanna Phâwngpui ‘S’ Bial hi Phawngpui Bial atanga Bial siam thar chiah a nih vângin he Biala Pastor hmasa ber a ni. Serh leh sâng khawih theihna pêk nghâl a ni.
Theology zirlai leh Full-time-a thawh hnua Rawngbawlna peng dang chelhte:
Pathian thu a zir laiin Jorhat Mizo Baptist Kohhran Chairman a ni a, Phâwngpui ABC leh Lunglei N ABC ah chairman a ni tawh a, Phâwngpui ABC-ah Secretary a ni tawh bawk. Aizâwl West Pastor Biala a awm laiin Area Administrative & Development Committ.(AADC)-ah Asst Secretary a ni thîn. Saiha Pastor Biala a awm laiin Saiha Kohhran Hruaitu Committee-ah Secretary hna a vuan tawh a, BSI-ah Vice President Phâwngpui Branch, Saiha Branch leh Aizâwl ‘N’ II-ah a ni tawh a, The Leprosy Mission leh MHIP-ah Saihaa an awm laiin Senior Adviser a ni tawh bawk.
Khawtlâng rawngbawlna lamah- Pathian thu a zir laiin MZP-ah Secretary a ni a, Mizo Tangrual Pâwl-ah Vice President a ni bawk. Tin, MTA-ah 2004 atangin tûn thlengin Executive Committee member a ni a, pianphunga rual ban lo puala pâwl siam tharah Fin. Secretary a ni bawk.
A Pathian thu chang duh tak mai chu Rom 8:28 hi a ni a, thupuiah a neih a ni. Kristian Hla bu No 509-na hi a duh hle bawk a, sak remchannaah chuan a thlang chawt \hin bawk a ni.
