Dr. Vanlaltanpuia, MLA in Oxygen Cylinder panga Christian Hospital, Serkawn-a hman atan a hlan.

August 31, 2021 (Thawhlehni) chawhnu dart 1:00 khan Lunlgei North Bialtu MLA leh Chairman, Mizoram Youth Commission – Dr. Vanlaltanpuia chuan a bial chhung Christian Hospital, Serkawn-a hman atan Mizoram Sorkar leh Health & Family Welfare Minister Dr. R. Lalthangliana aiawhin BCM Headquarters Office, Serkawn-ah a hlan.

He Thilpek hlanna hun hi BCM Headquarters Office kawtah neih a ni a. Rev. Dr. C. Vanlaldika, AGS – Mission-in a kaihruai a. Bialtu MLA-in thilpek hlanin Mizoram Sorkar-in Covid hrileng a hmachhawnna atana thil pawimawh tak  mai, Oxygen Cylinder panga chu Health & Family Welfare Minister Dr. R. Lalthangliana’n a pek a nih thu leh, Christian Hospital leh Baptist Covid Care Centre ah a tul anga an hman atan lawm taka Mizoram Sorkar aiawha a rawn hlan thu a sawi a. Covid Hrileng dona kawngah Kohhran leh Sorkar te tang tlang  a, theihtawp chhuah ho  zel turin a sawm bawk. Hemi rual hian BCCC  tanpui nan cheng sing khat a hlan tel bawk. Thilpek te hi BCM aiawhin General Secretary Rev. F Ramdinmawia’n a dawng a ni.

Rev. F. Ramdinmawia chuan Bialtu MLA leh Mizoram Sorkar chungah lawmthu sawiin, Covid hrileng dona kawngah Mizoram Baptist Kohhran chuan Pathian rinchhan chungin theihtawp chhuah zel a tum thu a sawi bawk.