Durtlang Kohhran Biak In Lungphum phum a ni:

October 26 (Thawhtanni) khan Mizoram Baptist Kohhran, Durtlang biak in pahnihna tur lungphum Rev. Dr. R. Lalthanmawia Executive Secretary Aizawl Area in a phum a, Rev. Hrangaia Hmar in Pathian hnenah tawngtaiin a hlan. He hunah hian Durtlang kohhran hruaitu te pawh an tel tha hle.

BCM Durtlang Kohhran hi Ramhlun North Bial-ah awmin Kohhran member 283 an awm mek a, Kohhran Upa  6 leh Rawngbawltu 7 an awm a ni. Kohhran thang duang tak a nih avangin tun atanga kum reilo te ah kohhran thar in dan a tul dawn avangin, BCM chuan durtlang ah hmun hma te lei in Biak In sak tura ruahmanna siam a ni.

BCM Durtlang Kohhran Biak In pahnihna sakna tur hian Estimate leh plan pawh siam fel tawh a ni a, Biakin hi 45ft X 24ft a sak tum niin. AMC atangin phalna adil mek a ni a, phalna an neih ve leh sak tan nghal tum a ni.