e-Finance Training nei

Vawiin, July 29,2016 khan Sap Upa leh Pu Buanga Hall-ah Mizoram Baptist Kohhran Finance Department buatsaihin e-Finance Training neih a ni a. He Training-ah hian Headquarters-a Accounts khawihtute leh Exec utive Secretary Office Lawngtlai –a account khawitu bakah BCM-a Internet leh Computer lam enkawltute an tel  ani. Training hi Finance Director Rev. Lalramngheta Chhangte-in kaihruaiin Pathian hnenah a hlan a. Software siamtu Mualnuam Solution, Aizawl ten zirtirna hi an pe a ni.

BCM Accounts te chak zawk leh awlsam zawka enkawl a nih theih nan leh Mission Field leh Branch Office te, Department hrang hrang leh Pastor Bial te pawhin Internet hmanga Headquarters-a an sum theh luh te, Budget/Target an hman dan te leh an sum dinhmun te awlsam taka an thehluh zung zung theih nan Software siam tirin hma lak a ni a. Tunah hian Softweare hi siam zawh tep a ni a. Software siamtu, Mualnuam Solution, Aizawl te nen enhovin a kalhmang tur te an zirho a ni.

He Software hi hman theih-a peih a nih hunah chuan BCM hnuaia Department hrang hrang te accounts leh an sum hman dan leh mamawh dan te awl sam takin an in hre tawnin Transaction hrang hrang pawh fel takin a kalpui theih turah ngaih a ni a. Account bu hrang hrang te Hard copy a kawl a nih bakah Server-ah save nghal zel a ni dawn bawk a, hei hi security thilah pawh nasa takin a him dawn a ni.

Tunah hian Receipt & Payments te, Budget kimchang te, Bial Target te enter fel a ni tawh a, Technical thilah felhlel awm thei tur en dik te,  hman awlsam dan zawk tur te, zutmam ngai hlek hlek te enfel  leh a ni ang a, chumi zawhah a remchang angin Department hrang hranga sum vawngtu te pawh Training hi lak pek zel a ni ang. Financial Year thar (2017-2018)-ah chuan he Sofware hi hman theih beisei a ni.