ES Lawngtlai – Rev. R. Lalnunzira’n Phawngpui South leh North bial a tlawh

October 21, 2021 (Ningani) khan Executive Secretary, Lawngtlai, Rev. R. Lalnunzira chu Phawngpui South leh Phawngpui North Pastor Bial te tlawh in a kal a, Sangau-ah zan riakin a tuk October 22 (Zirtawpni)-ah Lawngtlai panin a let leh nghal.

Rev. R. Lalnunzira hi Upa Lalhruaia, BCM Silo, Kawlchaw Est in tawiawm in, Sangau ah Bialtu Pastor Rev. FP Lalnunrema leh Bial puipa ten lo dawngsawng in, Bial Chhunga Biak In sa mekte an tlawh kual a ni.

Rev. R. Lalnunzira hian Biak In sa mek BCM Bualpui NG, BCM Siachangkawn, BCM South Lungpher, BCM Rawlbuk leh BCM Cheural te Headquarters in Biak In sak ṭanpuina a pek hote Bial hruaitu te nen a hmunah an enpui a, Lawngtlai Area hmingin Biak In Sak tanpuina tualchhung kohhran pahnih – BCM Siachangkawn hnenah Rs 20,000 leh BCM Cheural hnenah Rs 10,000  a hlan nghal a.

Executive Secretary hian Myanmar Thlantlang Baptist Pastor Chungbiakhum sipaiin an kah hlum tak nupui Pi Suiṭhapari leh a fate Sangau a ral tlan mekte chu chhawmdawlna Rs. 28,550/- Lawngtlai Area aiawhin  a hlan nghal bawk.