Evangelist te rawngbawlna

Kan hriat theih chinah tunkar chhung hian BCM recognized Evangelistic Team te rawngbawlna hetiang hian an nei mek…

#Gospel Herald TeamSpeaker Upa Lalhuliana Chhangte hovin BCM. ITI Aizawlah hruaitu pual camping neiin Vantlang camp an neih chhunzawm leh a, Inrinni hian nilengin KNP pualin hun an hmang a, Inrinni zan atanga pathianni zan thleng Crusade neiin, thawhtan zan atangin vantlang Camp chhawng hnihna an lut leh nghal ang.

 #Krista Sipai Team :  Speaker, F.Lalrinawma hovin S. Vanlaiphaiah Baptisma zirlai pual camping an neih hnuin BCM Darzo-ah camping an nei chhunzawm a ni ang.

 

#Kross Thupuangtu Team chuan  November 12 atangin, BCM Sairep kohhranah Deputy Speaker Rbt K Lalzarliana hmangin Camping an nei a. November 16 atangin BCM Kalvary- Cherhlun ah Speaker Rbt Vanlalengmawia Sailo hovin Camping an nei leh ang

 

#Mizoram Evangelical Ministry  chuan  November  9-10 khan BCM Lungsen Hmar vêngah pre-camp crusade an nei a, Tunkar thawhtanni atang khan camping an nei chhunzawm nghal a ni. Speaker Upa RL Thianghlima, Zotlang ani.

 

#Invaders for God Team : an Speaker Rbt.PL Sanglura hovin November 9,  Inrinni zan atang bawk khan BCM Moria Rahsiveng-ah Pre-Camp Crusade an tan a, Thawhtan atangin camping an nei chhunzawm ve leh nghal a ni.

 

#Chanchin Tha Chhuangtute Team chuan November 8 atang khan Speaker Upa K. Lalenga hovin BCM Venghlun  Lungleiah Camping rawngbawlna an nei tan ve  leh bawk.

 

#Evangelical Revivalistic Ministry : Speaker Evan David H. Lallawmkima hovin Khawmawiah rawngbawlna an tan ve thung a .November ni 11 atang khan Upa leh Rawngbawltu pual camping neiin Vantlang huap camping an chhunzawm veleh bawk. Pathianni zan thleng hian Follow-up programme an hman chhunzawm ang.

 

#Krista Pasalthate Team : November ni 16 atangin  BCM  Zawlpui-ah  rawngbawlna an nei tan leh ta bawk. Team Speaker  hi Upa H.P Vanlalngheta a ni.

 

#Pathian Thuhriltute Team : an Speaker, Upa Laltlawmlova Sailo hovin November 2 atanga BCM Pukpuia rawngbawlna nei te pawh Pukpuiah la chamin November  20 thleng rawngbawlna an la neih chhunzawm dawn a ni.

 

#Rev.F.Sangvela chuan BCM Peniel Hnahthialah November ni 16-17. 2019 chhûng hian Crusade a nei mek bawk.

Posted in BCM News.

admin