Evangelistic Team 2 Recognition pe thar

Revival & Evangelism Commiittee Meeting, May 12, 2020-a BCM Committee Hall-a neih chuan BCM hnuaia Evangelistic Team Recognition dil atangin team pahnih  – Siloam Mission Revival TeamSpeaker Rbt. R. Thanseia (Lunglawn ‘E’) leh Jehova Nissi TeamSpeaker Upa Lalhmunmawia Royte (Vaivakawn, Aizawl) te chu Recognition pek a remti a, July 2020 atangin BCM recognized Team ang in rawng an bawl tan thei dawn a ni.

Hetih lai hian BCM Recognised Evangelistic team  2 – Hmangaihna Team leh Krista Khawngaihte Team chu recognition tihnun(renew) an dil tawh loh avangin tihtawp an ni a, team 55 te chu recognition renew an dil angin remtih a ni thung a. Heti hian BCM hnuaiah Evangelistic Team neih zat chu danglam lovin Team 57  an la ni dawn a ni.

Meeting chuan kumin October 8-11 chhung hian BCM Recognised Evangelistic Team te pualin Retreat neih ni se tiin an rel bawk a. He hun ngaipawimawh a programme dang lo siam lo turin tun atangin  Evangelistic Team te lo in siamrem turin Pastoral CoordinatorRev. C. Chhuntluanga chuan a chah nghal a ni.