Executive Committee-in BCM hruaitu thlang thar

Assembly Executive Committee Meeting : Jan 22, 2019 @ BCM Serkawn

Mizoram Baptist Kohhran, Assembly Executive Committee Meeting ni thum chhung awh tura ruahman chu vawiin atangin Serkawn Biak Inah neih a ni a. Rev. Lalbiaksanga Chinzah, BCM President-in meeting hi a kaihruai a. Hun hmasa lamah BCM hruaitu (Secretary) lian te – General Secretary, Associate General Secretary(2) leh Executive Secretaries(2) te an term a tawp tawh avangin term thar 2019-2022 atan  thlan thar a ni.

General Secretary atan Rev. F. Ramdinmawia leh  Associate General Secretary – i/c Mission atan Rev. Dr. C. Vanlaldika te thlan nawn leh niin AGS – i/c Service atan Rev. R. Lalbiakliana chu thlan thar a ni bawk.

 

Rev. F. Ramdinmawia,

General Secretary 

Rev. Dr. C. Vanlaldika

AGS i/c Mission

Rev. R. Lalbiakliana

AGS i/c Service (Elected)

Tin, Executive Secretary Lawngtlai leh Aizawl te thlang nghalin Lawngtlai E.S atan Rev. R. Lalnunzira leh Aizawl E.S atan Rev. Dr. R. Lalthanmawia te thlan an ni bawk.

Tihian vawiin atana Executive Committee meeting chu tinin, chawhnu lamah Nomination Committee an thu khawm leh mek a. Tun tum Nomination Committee hian Department Head leh Institution Head tur te an ruat leh dawn a ni. Heng hruaitu thlantharte leh a nilai mek te hian Assembly zawh hun remchang-ah Charge an in hlan ang a, April thla-atangin an hna thar hi an chelh dawn a ni

Posted in BCM News.

admin