Executive Committee Meeting zo, thurel langsar

Mizoram Baptist Kohhran, Assembly Executive Committee Meeting nithum  awh tura ruahman chu, a ni hnihna,   nimin January 23, 2019  khan zawh fel a ni ta.  He Meeting hi Serkawn Biak In-ah neiin Committee member 202 an kal. 

Meeting hi Rev. Lalbiaksanga Chinzah, BCM President-in a kaihruai a, General Secretary, Rev. F. Ramdinmawia’n kum 2018 April-December chhunga BCM rawngbawlna hrang hrang report tlangpui khaikhawmin a pe. (Download G.S Report)

Tun tum Committee-ah BCM puipate thlan thar a ni a, tarlan tawh ang khan BCM General Secretary-ah Rev. F. Ramdinmawia, AGS i/c Mission-ah Rev. Dr. C. Vanlaldika leh AGS i/c Service-ah Rev. R. Lalbiakliana te thlan thar an ni a.  Executive Secretary – Aizawl atan Rev. Dr. R. Lalthanmawia leh Executive Secretary – Lawngtlai atan Rev. R. Lalnunzira te thlan thar a ni bawk. (See Page: BCM hruaitu thlang thar). Heng BCM Puipa thlan tharte hi Assembly 2019-ah pawmpui tura thlen a ni ang. Tin, Assembly Nomination Committee-in Department leh Institution Head atana a thlan leh rawtna chu pawm a ni bawk. (See page: Hea of Dept. & Institutions)

Meeting  thurel lansar dang te:-

1. 11th. BCM Pay Commission rawtna leh report chu pawm a ni a, Assembly pawmpui tura thlen chhoh leh a ni ang.

2. Planning Commission 2020 din remtih a ni a, Nomination Committee-in ruahmanna lo siam se, a tul a nih chuan Terms of Reference te lo duangin Assembly 2019 a ngaihtuah theih turin lo peih fel se tih a ni.

3. Mission Department atang thu lut – Mission Field tlawh dan tur kaihhruaina siam te, Missionary Supporter Policy 2013 siamthat rawtna leh ruahmanna te, Odhisa Mission Field hawn chungchang rawtna leh ruahmanna chu Assembly-a thlen chhoh tura tih a ni.

4. Central Committee atangin Minister atana ordain tura chhawp chhuah Probation period hmang zo  mi 8 te chu ordain remtih an ni. Pastor atana lak thar mi 6 te report a a ni bawk.

5. Thawktu Confirm dilna te, Pension-a chhuak tur report te thlirin Assembly 2019 ah thlen chhoh remtih a.

6. College of Nursing din chungchang:Kum 2022 atangin GNM Course tih tawp a ni dawn a.Medical & Health Department Committee- in GNM zirna Nursing School hi kum 2022-ah B.Sc (Nursung) zir theihna tura College of Nursing-a upgrade anih theih nan rawtna  leh  writeup a siam chu Assembly 2019 a thlen remtih a ni.

7. Vehicle hui 6 (Bus-1, LPK-1, Maruti Van-1, Gypsy-1, Two wheeler-2) tihral leh a thar 5 (Bus-1, Bolewero-1, Maruti Van-1 leh Two Wheeler 2) lei rawtna chu Assembly-ah thlen chhoh remtih a ni bawk.

8. Finance Committee atangin Supplementary Budget nuai 359.95 siam dilna remtih a ni a. Pastor bial tinah Additional Target angin sem a ni a, Financial Year (2018-2019) chhunga a pek tura ruahman nghal a ni.

9. Budget 2019-2020: BCM Budget leh Target semna Finance Department-in a ruahman chu pharh a ni a. Kum 2019-20 BCM Budget atan Rs. Nuai 9490.33 chu Assembly-ah thlen chhoh  leh a ni ang.

Budget tlangpui hetiang a ni:-

Sector A: Central : 3247.94 lakh.
Sector B: Mission:2993.21 lakh.
Sector C: Service :  3249.18 lakh.
                   Total : 9490.33 lakh. 

Budget pumpui atang hian Rs. Nuai 6312.33 chu Kohhran Target atanga hmuh beisei a ni a, Rs. Nuai 3178.01 chu Derpartment thawhchhuah (Department Contribution) tur  a beisei a ni. A pumpuiah kum hmasa aia budget punna chu Nuai 1,145.44 (13.73) a ni.

General Secretary Report: Download Docx.Page

Posted in BCM News.

admin