‘Full Life Access Trust’(FLAT) Lunglei-in BCO hnenah tanpuina an pe.

Tunkar Thawhtanni, July 12, 2021 khan Full Life Access Trust – FLAT (Nun tam kailawn) ‘Ka Thiante In, Lunglei’-a thawktu leh memberte chuan Mizoram Baptist Kohhran Nau Hnuchham enkawlna, Baptist Church Orphanage (BCO) tlawhin an mamawh ei tur Biscuit leh Cake Parcel engemawzat an hlan.

Thilpekte hi BCO Manager Rev. H. Vanlalruata leh BCO-a thawkuten an lo dawng a, thilpek petute chungah BCO thawktuten lawmthu an sawi a ni.

Full Life Access Trust (FLAT) hi kum 2015 khan K. Zothanpuii leh Rebek Lalruatdiki Khiangte ten an din a ni a. He pawl hian Thalai, nun beidawng leh tih tur hre mumal lova tei vel mai mai, a tawpa sualna kawng zawha ruihhlo bawiha an tang leh thin chu kawng dika hruai a, nun hlim leh zalen taka Pathian leh khawtlang tana an lo pen chhuah theih nan hma la-in, an chawlh luhna tur “Ka Thiante In” nuam leh changkang tak chu Saikuti Hall bulah an buatsaih a.

He hmunah hian an rilru ipikna te, an hrehawmna te, an tawrhna hrang hrang te in bun ruakin, chawlh hahdamna an lo buatsaih thin a. Hemi atanga an nun chhanchhuahna tur leh midangte tana an pen chhuah zel theih nan kawng hrang hrangin an lo kaihruai thin a ni.
Read More for FLAT