General Secretary Australia-ah

Mizoram Baptist Kohhran General Secretary, Rev. F. Ramdinmawia chu October 9-16 chhung hian Australia-ah Global Chin Christian Federation General Conference-, Mebourne, Australia-ah a kal dawn a, October 9-ah Lunglei chhuah sain Melbourne a pan ang. Melbourne-ah hian October 12-16 thleng Inkhawmpui a hmanpui ang a, a rawn haw lamah Kolkata, Guwahati, Jaigaon leh Birpara Mission rawngbawlna te a rawn tlawh haw ang. October 21-22 hian Bengal Field Inkhawmpui, Birpara-ah a hmanpui anga, Shillong-ah riak chho lehin BCM Biak hmin hmun lei thar te a en ang a, October 24-ah Shillong atang rawn hawin October 25-ah AICS-ah Board of Theological Education Meeting a neihpui ang a, October 26-ah Lunglei lo thleng leh tura beisei a ni. A zin hlan hian AGS Service, Rev. R. Zohmingliana’n General Secretary Charge a lo la ang.

BCM&CGGS ten Agreement an sign: March 7, 2017

Global Chin Christian Federation leh BCM hian March 7, 2017 khan inremsiamna thuthlung (MoU) chu an lo ziak tawh a. An thawhhona thuthlungah chuan – Rawngbawlna kawngah theih ang ang a intanpui tawn leh a tul ang a sum leh pai-ah pawh inpuihtawn te; Khawvel pum-a Chin-Mizo hnamte te inzawmna tha kan neih theih nan leh; Thalaite hmasawnna kawng dap sak tura hma lak te; a tul anga Chanchintha hrilh kawnga intichak tawn tura Training leh Seminar buatsaihho te;  Conference leh Assembly in chhimtawn te; Education leh Medical rawngbawlnakawnga theihtawpa intanpuitawn dan kawng dap te a ni.

BCM hruaitute leh Global Chin Christian Federation hruaitute

Posted in BCM News.

Leave a Reply

Your email address will not be published. Required fields are marked *