General Secretary-in lawmthu a sawi

6th May, 2020: Serkawn, Lunglei: |

Covid-19 avanga ZMC-a enkawl mek chungchang ah BCM General Secretary, Rev. F. Ramdinmawia chuan hetiang hian Mizoram Sorkar leh Zoram mipuite hnenah lawmthu a sawi.

Lawmthusawina

Khawvelin COVID-19 hripui avanga buaina kan tawh avangin hlauhna leh manganna-in min chim a. Chutih laiin Mizoram chhungah ngei pawh he Covid-19 tuar kan han awm tak avangin kan thla a bar viau a nih kha. Tunah erawh chuan Pathian khawngaihna kan chang a, Health Minister Dr. R. Lalthangliana hnen atanga Phone Call kan dawn danin, tuna ZMC-a Covid-19  dam lo enkawl mek  chu test chi hrang hrang tih a nih hnuin, he natna atang hian a fihlim ta tih hrtiattirna kan dawng a, a lawmawm takzet a ni.

Tuna Covid-19  dam lo enkawl mek  hi Mizoram Baptist Kohhrana thawktu a ni a, a dam loh chungchangah hian Mizoram Sawrkar, Health Department  hotute leh ZMC-a enkawltu Doctor, Nurse leh a buaipuitu zawng zawngte chungah Mizoram Baptist Kohhran hmingin lawmthu ka sawi a. Tin, thahnemngai taka tawngtaipuitu Zoram mipui zawng zawngte chungah pawh lawmthu ka sawi tak meuh a ni. Kan Pathian hnenah lawmthu awm rawh se.

He natna dona kawnga Mizoram mipuite tanrualna han hmuh hian Lal Isua ringtute tihawm tak kan ti niin ka hria a, a do zelna kawngah pawh lungrual taka tan la thar sauh sauh turin ka ngen a che u.

He natna dona kawnga Mizoram mipuite tanrualna han hmuh hian Lal Isua ringtute tihawm tak kan ti niin ka hria a, a do zelna kawngah pawh lungrual taka tan la thar sauh sauh turin ka ngen a che u.

 

Rev. F. Ramdinmawia,
General Secretary,
Baptist Church of Mizoram