General Secretary-in  Ramchhung Mission Rawngbawlna  a tlawh.

January ni 11 khan Bru leh Chakma te zinga kan rawngbawlna hmun thenkhat leh BCM Biak In sak mek te en pui in, Rev. F. Ramdinmawia chuan Belthei, Putlungasih, New Vuakmual leh Zawlpui te a tlawh.

Belthei ah hun hmang hmasa berin, tukthuan te ei in thawktu te fuihna hunt e hmang in thawktu ten kan hmunhma, School leh Biak In te an enpui hnu in, Putlungasih ah phei leh in, Putlungasih ah hian thawktu te bak ah BBC leh BCM hruaitu ten lo dawng sawng in, inpawlhona hun te hmang in, kum thara kan rawngbawl zelna tur atana infuihtharna hun te hman a ni. Inkawm khawmna neih hnu hian, Putlungasih-a School building thar sak mek te leh Biak in sak mek te thawktu te nena en hona te neih a ni bawk.

Putlungasih atang hian New Vuakmual Pu F. Lalhumliana te chhung tlawhna hmun ah phei leh in, anni nupa nen hian inkawmna hun tawi hman a nih hnu ah, Zawlpuia kan rawngbawlna leh Biak in sak lai te tlawh tura phei leh in, Zawlpui Bialtu Pastor Rev. Lalrammuana Punte Quarters ah kohhran hruaitu ten lo dawng sawng in, inkawmhona neih zui nghal a ni a, kohhran hruaitu te hian Zawlpui a BBC leh BCM Biak In saklai mek te an enpui nghal bawk.

Biak In sak lai mekte tlawh a nih hnu hian, kan thawktu te leh School awmna hmun lamah phei in, hetah hian thawktu te nena inkawmhona neih a ni a, General Secretary hian thawktu te fuihna leh tawngtaisakna hun te a hmang a, Pu R. Nghakmawia, Headmaster hnen atangin thawktu te hmalak dan tlangpui leh ruahmanna te ngaihthlak a ni bawk.

Covid-19 hrileng avanga school lehkohhran ruahmanna anga rawngbawlna peng hrang hrang a kal hleihtheih loh lai a, General Secretary in Ramchhung mission-a thawktu te leh kohhran te a hmun ngeia ka la anmahni fuihna leh an tana tawngtaisakna hun a hmang hi thawktu te leh kohhran ho te an lawm in, thalmuanthlak an tih thu an sawi a ni.

General Secretary hian January 10, 2021 (Pathianni) khan General Rev. C. Chuntluanga, Pastoral Coordinator, Rev. H. Vanlalruata, Lecrurer, JBS te leh Nl. Annie Ramthianghlimi, LDC te nen Mizoram Baptist Kohhran – Thualthu, Gilead(Thualthu), Bualte leh Thaizawl te tlawhin an kal bawk a. Kohhran hruaituten lo dawngsawngin Biak In sak lai mekte enho leh inkawmhona hunt e an hmang a,  infuihtharna leh tawngtaihona te neiin hun tha tak an hmang a ni.