General Secretary leh Director, Pastoral Ministry ten  Myanmar Raltlante Camp, Thaizawl an tlawh.

January 25, 2022 (Thawhlehni) khan Myanmar Raltlante awmna Thaizawl a Refugee Camp chu General Secretary Rev. F. Ramdinmawia leh Rev. C. Chhuntluanga, Director, Pastoral Ministry  te chuan tlawhin, Hrangchalkawn Bialtu Pastor, Rev. TC. Vanlalzuia leh Bial Hruaitute, Thaizawl Kohhran hruaitute nen Raltlante dinhmun Kohhran anga enkawl dan tur leh chhawmdawl dan tur te an sawiho bawk.

Raltlante hi Myanmar thingtlang khaw hrang hrang 8 atanga kal khawm an ni a,  An vai  hian Kristian an nih bakah Baptist Kohhran deuh vek niin, heng zingah hian an Pastor te leh Kohran hruaitute engemawzat an tel ve a ni. Chung Pastor te leh Kohhran hruaitute nen chuan inkawmhona hun te hmangin General Secredtary Rev. F. Ramdinmawia leh Kohhran hruaitu ten raltlante chu thlamuanin Kohhran anga chhawmdawlna an ngaihtuah tawh dan te leh a theih ang anga chhawmdawlna kalpui zel a nih tur thu te an hrilh a ni.

He hunah hian Raltlante tana tangkai tur  thawmhnaw (T.Shirt) engemawzat, Thuthlung Thar Bible, English Leh Mizo bakah Pen tam tham tak an hlan a, a tul angin tanpuina hi la ruahman zel a nih tur thu General Secretary chuan a sawi bawk.

Thaizawl-a Raltlante hi BRTF Camp hlui-ah dah niin, hemi ni hian raltlan mipa – 268, Hmeichhua – 331, an vaiin mi  599 an awm a. an zinga mi 232 chu kum 18 hnuai lam an ni.