General Secretary leh Pastoral Coordinator te Lawngtlai Area-ah

Tunkar nilai ni, August ni 26 khan Rev. F. Ramdinmawia, General Secretary leh Rev. C. Chhuntluanga, Pastoral Coordinator te chu Lawngtlai Area Kohhran te tlawh leh tul hrang hrang ti turin Siaha leh Lawngtlai pan in an chhuak.

Lawngtlai atang hian Executive Secretary, Rev. R. Lalnunzira’n a lo zawm bawk. Ruahman anga an kal theih chuan tunkar chhung thangin karleh Thawhtan, August ni 31 hian Headquarters lo thleng leh tura beisei an ni.

General Secretary leh Pastoral Co-Ordinator te hi an Agust ni 26 khan Siaha pan tlangin zan an riak a. A tuk Agust 27 chawhma lamah Meisatla Biak In sak mek leh Siaha West Pastor Quarters te an enpui a, Chawhnu lamah Lawngtlai pana lo chhuakin hemi ni vek chawhnu lam hian Paithar Bial hruaitute leh Kawlchaw East Kohhran hruaitute nen Executive Secretary Office, Lawngtlai ah inkawmhona an nei nghal a,  a tuk, August 28 Zirtawpni-ah Lengpuikai lamah kalin Ngengpuikaiah hian Bru Baptist Church ah programme an hmanpui a, Khawmawi Hmarveng Kohhran Biak In saklai an enpui nghal bawk.

Khawmawi atang hian Chawngte ah lutin zan an riak ang a, August 29 (inrinni) hian Diltlang ah kal lehin, Diltlang Biak In sak lai an enpui hnu-ah Mampui Bial hruaitute nen inkawmhona an nei leh ang, Inrinni zanah Lawngtlaiah riakin Pathianni ah Lawngtlai Bethani Biak In sak mek an enpui leh ang.

August  ni 31 thawhtan hian Tawngpui Bialtu Pastor leh Bial hruaitute nen inkawmhona neiin, hemi hnu hian Headquarters an rawn pan tlang nghal ang.