General Secretary Rev. R. Lalbiakliana’n Myanmar Refugee Camp, Thaizawl-a Multipurpose Hall a hawng

April ni 30, inrinni chawhma dar 11 khan Mizorama Myanmar Refugee Camp lian ber awmna Thraizawl-ah raltlan ten thil chi hrang hrang tihna atana an hman tur mimal leh pawl hrang hrang te thawhkhawm atanga sak ‘Multipurpose Hall’ mi 300 vel len theihna chu General Secretary Rev. R. Lalbiakliana’n a hawng a. Hawnna inkhawm ah hian Pathian hnena inkawltirna hun Rev. Vanlalmuankima Director, Pastoral Department in hmangin Bible chhiarin a tawngtai a, Hall hawngtu Rev. R. Lalbiakliana’n thuchah a sawi a, Rev. Dr. Vanlalchhawna Khiangte, Bialtu Pastor Hrangchalkawn Pastor Bial in Malsawm tawngtai in hun tawp a khar a ni.

Hall hawnna inkhawm ah hian raltlan ten hnam lam chi hrang hrang te entir in, hun hlimawm tak hman a nih bak ah, tlai lamah ruai kilho a ni bawk. Multipurpose Hall hi School atan te, Refugee Camp Kristian Fellowship inkhawm nan leh tul leh pawimawh hrang hranga in koh khawmna leh thil tih hona atana hman tur a ni. Inkhawm banah hian Hall hawnna-a tel BCM hruaitu te chuan Refugee Camp-a Kristian awmte kawmna hun an nei nghal a, tun dinhmunah rufugee camp-a tam ber 80% aia tam mah hi Baptist Kohhran an ni a, pastor pawh panga lai awmin, anni ho nen hian Refugee Camp Kristian Fellowship kal zel dan tur te an sawiho a ni.

General Secretary leh Kohhran hruaitu dang te Rufugee Camp Multipurpose Hall Hawnna-a kal te hian Raltlan te chhawmdawlna atan BCM hmingin Rs.100000 an hlan nghal bawk.