Golden Jubilee lawm

BCM Biak In, Electric veng, Lunglei

Sept. 16-22, 2019 chhung hian Mizoram Baptist Kohhran, Electric Veng, Lunglei chuan an kohhran kum 50 tlinna ‘Golden Jubilee’ an lawm mek. Jubilee thupui atan ‘Min hruaitu Lalpa’ tih hman a ni.

Nilai zan atanga Ningani zan thleng khan Fellowship hrang hrang – TKP, BKHP, KNP leh BMP te pualin hun hman a ni a. Zirtawp chhun dar 12:00 Jubilee Hall Rev. JC Vanlalluaia’n a hawng a,  chawhnu lamah Variety programme hman chhunzawm a ni ang. Zirtawp zan atangin zan tin vantlang Inkhawm a awm thin ang a, Inrinni leh Pathianni-ah pawh nilengin Jubilee lawmna Programme a awm leh dawn a ni.

Inrinni chawhma dar 10:00-ah Jubilee dar vuak leh Jubilee Monument a ni ang a, Monument hi Rev. B. Lalrinawma, Bialtu Pastor-in a hawng ang. Inkhawmin chhunzawmin Rev.Pc Liandula, BCM President-in Jubilee Souvenir a tlangzarh ang a BCM General Secretary Rev. F. Ramdinmawia’n thuchah a sawi ang a, Inrinni zanah Rev. R. Lalbiakliana, AGS i/c Service-in thuchah sawiin, Pathianni zing Inkhawmah AGS i/c Mission Rev. Dr. C. Vanlaldika’n thuchah a sawi thung ang. Pathianni zan thleng Jubilee lawman programme hi an hmang dawn a ni.

BCM Electric Veng hi Sept. 21, 1969 khan BCM Chanmari atangin an indang a, a tirah member 300 niin tunah chuan temporary member 91 telin member 1,872 an ni tawh. An Kohhran atang hian M.Th 3, B.D 6, M.Div 3, leh B.D zir mek 1 an awm a; Missionary 17 leh Pastor 1 an chhuak tawh bawk a ni.

Posted in BCM News.

admin