Good Friday & Easter Sunday

Tun kar Zirtawpni, March 30, 2018 hi Khawvel puma Kristiante ni pawimawh ber zing ami “Good Friday”a ni a, tin, April 1, 2018 (Pathian Ni) hi Isua Krista Thawhlehna Ni (Easter Sunday) a ni bawk. He hun ropui tak hi Mizoram Baptist Kohhran pawhin urhsun taka hmangin a serh thin a. Kumin hian Good Friday leh Easter Sunday-ah te Headquarters atangin Thupui thlansa neih a ni a. Good Friday thupui atan “Amah ngeiin thingah khan a taksain kan sualte a phur a; ” (1Petera 2:24 (b)) tih niin Easter Sunday thupui atan “Krista thawhlehna thiltihtheihna” (Philippi 3:10 (b) ) tih a ni thung ang. 

Ningani zan(Good Friday Eve)-ah Tualchhung Kohhran engngemawzatin Lalpa Zanriah(Sacrament) an kilho ang a, Pathian Biak Inkhawm bakah Kohhran zaikhawm leh Inpawlhona programme  hmangin Thingpui ruai nen urhsun takin an hmang thin a ni. Tualchhung Kohhran thenkhat chuan hemi chawlhkar pumpui ‘Passion Week’ -ah hian Kohhran zaikhawm programme te siamin tawngtai hona leh Thlarau lam intuaitharna hun atana hmang an awm bawk.

Hemi a nih avang hian Kohhrana thawktute pawh  March 29 – April 2, 2018 thleng hian an hna chawlhsanin Good Friday leh Easter chawlh an hmang  ang a, thawktu tam tak chu khual khua leh mahni khaw lamah an chhuak leh dawn a, April 3 (thawhlehni) ah Office hawngin an kai tan leh ang.

Kan hriat theih chinah  BCM hruaitute Good Friday & Easter Progamme hmangin hetiang hian an chhuak ang:-

Rev.Dr.C.Vanlaldika. AGS i/c Mission : BCM Thingsai bialah
Rev.Lalbiaksanga Chinzah, President : Ramhluin N, Ramhlun S, Tuirial Airfield.
Rev.B.Lalrinawma, Mission Coordinator : Ramzotlang & Serkawnah
Rev.V.Vanlalchhunga, Pastoral Coordinator : Zohnuai East
Rev. C.Lalbiakzama, Executive Editor : BCM Salem & BCM Vanhne-ah
Rev.Lianchhunga Khiangte. MTKP Organiser : Gosen, Electricveng
Rev.Lalramngheta Chhangte, Finance Director : Khawiva, Serkawn
Rev.K.Lalbiakenga, Organiser, PAC : Vanhne (Sacrament)
Rev.K.V.Thanga, Director FOD and W&M : Ramthar (Sacrament)
Rev.Pc Liandula, Director, Christian Edn. Dept : Zawlpui
Rev.LB Khawpuimawia, Director, Comm.Dept : Zohnuai

Read more:> Good Friday : Easter Sunday

Posted in BCM News.