Good Friday & Easter Sunday-ah KNP-in Covid-19 pual tawngtai an nei leh dawn

Covid-19 pualin KNP te tihtakzetin an Tawngtai

 

Mizoram Baptist Kohhran. Kristian Naupang Pawl (KNP) te chuan tunlaia khawvel-in a buaipui em em, Coronavirus (Covid-19) hri leng mek pualin April ni 2 leh ni 5, 2020 (Pathianni) chawhnu dar 2:00 khan a tum hnih nan, Mahni awmhmun theuhah a ruala tawngtai programme an siam a. He hun hi Mizoram Baptist Kohhran hrang hranga KNP member engemawzat-in hmangin, Hripui a lo reh thuai nan leh he hripui laka Mizoram kan him a, kai belh kan awm loh nan tihtakzetin an tawngtai a ni.

Hrileng puala KNP Tawngtai programme hi Good Friday leh Easter Sunday-ah te chawhnu dar 2:00 ah hian Rampumah neih leh turin KNP Promoter chuan thuchhuah a siam a, Bial leh Tualchhung Kohhran hrang hrang a KNP hruaituten he Tawngtai hun hi ngaipawimawh a, Naupang te hnenah a theih ang ang a puangzar turin KNP Promoter chuan Social media hmangin ngenna a siam a ni.